صدر آصف علی زرداری 6 ءَ بگر داں 9 جولائی ءَ کرغزستان ءِ سرکاری تر ءُ تاب ءَ کنت

اسلام آباد۔6جولائی  (اے پی پی): صدر آصف علی زرداری کرغزستان ءِ صدر صادر ژپاروف ءِ دعوت ءِ رد ءَ 6 ءَ بگر داں 9 جولائی 2026 ءَ جمہوریہ کرغزستان ءِ سرکاری تر ءُ تاب ءَ کنت۔ دو شمبے ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ گوستگیں 21سال آنی تہ ءَ اے پاکستان ءِ صدر ءِ کرغزستان ءِ اولی تر ءُ تاب بیت کہ دوئیں ملک آنی سیادی آنی تہ ءَ راجدپتری سنگ میل ءِ رنگ اِنت۔ اے تر ءُ تاب دسمبر 2025 ءَ صدر صدر جاپاروف ءِ پاکستان ءِ سوبمندیں تر ءُ تاب ءِ برجائی اِنت ءُ دوئیں براتیں ملک آنی نیام ءَ مزن تک ءِ سیادی ءِ برجاھیں دیمروئی ءِ درشان اِنت۔ اے تر ءُ تاب ءِ وھد ءَ صدر ءِ مملکت ءَ گوں صدر صدر جاپاروف ءَ یک ءُ یک ءَ گند ءُ نند بیت ءُ ڈل ءِ تک ءَ گپ ءُ تران بیت۔ دوئیں رہشون پاکستان ءُ کرغزستان ءِ نیام ءَ دو نیمگی سیادی ءِ درستیں تک ءُ پھنات آنی سر ءَ چار ءُ تپاسی کن اَنت ءُ وت مہ وتی سیت ءِ ھوالگ ءَ دمگی ءُ میاں اوستمانی جیڈھ آنی سر ءَ گپ ءُ تران کن اَنت۔ گپ ءُ تران ءِ تہ ءَ تجارت ءُ سرمایہ کاری، توانائی، کان کنی، کشت ءُ کشار، ٹیکسٹائل، حلال انڈسٹری، جان سلامتی ءُ دوا ءُ درمان، ڈیجیٹل معیشت، وانگ ءُ زانگ، سیل ءُ سواد ءُ مردم ءِ نیام ءَ رابطہ ءَ ھوار جتا جتائیں شوبگ آنی تہ ءَ کمک ءَ را گیش دیمروئی دیگ ءِ سر ءَ دلگوشی دیگ بیت۔ وتی تر ءُ تاب ءِ ساھت ءَ صدر ءِ مملکت کرغزستان پارلیمنٹ ءِ صدر ءِ گوما نیک راھی گند ءُ نند ھم کنت۔ پاکستان ءُ جمہوریہ کرغزستان ءِ نیام ءَ سیادی گرم ءُ براتی کمک ءِ سر ءَ بندوک انت، یکجائی راجدپتر، مذہب، دود ءُ ربیدگ ءُ میان استمانی ءُ جنوبی ایشیا ءَ امن، دمگی رابطہ ءُ یکجائی وشحالی ءِ یکجائی عزم ءِ بنیاد ءَ انت۔