اسلام آباد۔6جولائی (اے پی پی): وزیر مملکت ءِ ھزانگ ءُ آمدنی بلال اظہر کیانی ءَ 90سال ءَ پد جہلم ءِ نوک جوڑ بوتگیں راجدپتری لاجپت رائے لائبریری ءِ بنگیج کت ءُ ایشی ءِ جتا جتائیں دمگ آنی تر ءُ تاب کت۔ سوشل نیٹ ورکنگ سائٹ ایکس ءِ ویب سائٹ ءِ سر ءَ وتی یک کلوہ ءِ تہ ءَ آئی ءَ گوشت کہ جہلم ءِ شاندار راجدپتری، سائنسی ءُ لبزانکی میراث …
وزیر مملکت بلال اظہر کیانی ءَ جہلم ءِ نوک جوڑ بوتگیں تاریخی لاجپت رائے کتابجاہ ءِ بنگیج
گیشتریں ھال
اسلام آباد۔6جولائی (اے پی پی): وزیر مملکت ءِ ھزانگ ءُ آمدنی بلال اظہر کیانی ءَ 90سال ءَ پد جہلم ءِ نوک جوڑ بوتگیں راجدپتری لاجپت رائے لائبریری ءِ بنگیج کت ءُ ایشی ءِ جتا جتائیں دمگ آنی تر ءُ تاب کت۔ سوشل نیٹ ورکنگ سائٹ ایکس ءِ ویب سائٹ ءِ سر ءَ وتی یک کلوہ ءِ تہ ءَ آئی ءَ گوشت کہ جہلم ءِ شاندار راجدپتری، سائنسی ءُ لبزانکی میراث ءِ بحالی ءِ سر ءَ وش آں۔ برصغیر ءِ آجوئی ءِ تحریک ءِ ہیرو لاجپت رائے ءِ نام ءَ اے کتابجاہ ءِ نام لالا لادھا شاہ بندرا ءِ چک لالا گورن دتا مال ءَ وتی پت ءِ یات ءَ جوڑ کتگ۔ نہ ایوک ءَ ھرابیں ماڑی ءِ راجدپتری ءُ کوھنیں دود ءُ ربیدگ ءِ زیبائی ءِ بحالی بوتگ بلکیں 500 نوکیں کتاب ھم ایر کنگ بوتگ اَنت ءُ اولی رند ءَ یک سرجمیں لائبریری ءِ کارندہ ھم کار ءَ گپتگ۔ وزیر مملکت ءَ گوشت کہ نوکیں فرنیچر ءِ ھوار اولی رند ءَ کتاب مضمون ءِ رد ءَ سک باز آراستہ بوتگیں چوکیں کتابانی شیلف آنی سر ءَ ایر کنگ بوتگ اَنت۔ ادا لبزانکی دیوانانی تہا سرجمیں ملک ءِ نامداریں اکیڈمک ءُ لبزانکی مردم دعوت دیگ بنت۔ آئی ءَ ڈپٹی کمشنر جہلم میر رضا اوزگن ءُ جہلم کتاب کارنر ءِ گگن شاہد ءُ امر شاہد ءِ ھم اے رد ءَ کمک کنگ ءِ پد ءَ منت گپت۔
