مزن وزیر محمد شہباز شریف ءِ گشگ انت کہ گروپ ءِ کیپٹن عاصم طارق ءَ یک جنینے ءِ جان ءُ ازت ءِ رکھینگ ءِ ھاترا وت ءَ قربان کتگ ءُ بے دروریں دلیری، بہادری ءُ فرض ءِ احساس ءِ مثال پیش کتگ

  لاہور ۔6جولائی  (اے پی پی): مزن وزیر محمد شہباز شریف ءَ گروپ کیپٹن عاصم طارق ءِ شہید بوھگ ءِ سر ءَ سک باز دلپدردی ءُ اپسوز درشان کتگ ءُ گوشت کہ آئی ءَ یک زالبولے ءِ جان ءُ شرپ ءِ رکھینگ ءِ واستہ وتی سر ءِ ندر کنگ ءَ بے دروریں دلیری، بہادری ءُ فرض ءِ احساس ءِ مثال پیش کتگ۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ اے رنگیں دلیریں زھگ آنی قربانی آناں راج دائم شرپ ءُ شرپ ءِ گوما چار ایت۔ مزن وزیر ءَ شہیدیں گروپ کیپٹن عاصم طارق ءِ گس ءِ مردم آں گوں دل ءِ جہلانکی ءَ دلپدردی ءِ درشانی کت ءُ گوشت کہ سرجمیں راج شہید ءِ گس ءِ گوں دلپدردی ءَ شریک انت۔ آئی ءَ دعا کت کہ اللہ تعالیٰ شہید ءِ رند ءَ بُرز بہ کنت، آئی ءَ را وتی رحمت ءِ تہا مزنیں مقامے بہ دنت ءُ غم ءِ آماچیں ھاندان ءَ را اے جھٹکا ءَ گوں سگ  ءُ دلبر ءَ برداشت کنگ ءِ توان بہ دنت۔ مزن وزیر ءَ سیادی داروکیں واکداراں پنت ءُ شون کتگ کہ آ اے وئیل ءِ سرجمیں ءُ ساپ ءُ سلہ ایں پٹ ءُ پول ءَ بہ کن انت ءُ کانود ءِ رد ءَ ذمہ واریں مردم آناں  سکیں سزا  دیگ بہ بیت۔