خواجہ آصف ءِ بھارتی پروپیگنڈا ءِ سرا رد عمل: ذاتی اُرشاں چہ جیڑہ گیش ءُ گیوار نہ بیت، وفاقی وزیر دفاع ءِ گشگ انت کہ بھارتی اشرافیہ ءِ سرا زور  

اسلام آباد۔5جولائی  (اے پی پی): وفاقی وزیر دفاع خواجہ آصف ءَ بھارتی گمراہ کنوکیں پروپیگنڈا ءِ سر ءَ رد عمل پیش کتگ ءُ گشتگ کہ آئی ءِ سر ءَ ذاتی اُرش کنگ یا آئی ءَ را ذہنی بے رھبند گشگ ءَ جیڈھ گیش ءُ گیوار نہ بیت۔ یک شمبے ءِ روچ ءَ سوشل نیٹ ورکنگ پلیٹ فارم فارم ایکس ءِ سر ءَ وتی پوسٹ ءِ تہ ءَ آئی ءَ گوشت کہ ھاسیں رنگ ءَ گوستگیں سال ءَ پاکستان ءِ گوما جنگ ءَ شکست ءَ پد بھارتی مزن وزیر نریندر مودی ءِ سر ءَ ملکی ءُ میاں اوستمانی تک ءَ سک باز دباؤ ءِ آماچ اِنت ءُ آئی ءِ ھلاپ ءَ پروپیگنڈا مہم ءِ بندات کنگ ءَ چہ مودی ءِ ساکھ پدا بحال کنگ نہ بیت۔ خواجہ آصف ءَ گوشت کہ راہول گاندھی ءَ مودی ءَ را رستگیں میاں اوستمانی داد آنی سر ءَ ھم جُست ءُ پُرس کتگ ءُ دعویٰ کتگ کہ ایشی ءِ تہ ءَ لھتے یا مصنوعی رنگ ءَ جوڑ کنگ بوتگ اَنت یا وت جوڑ کتگیں پروپیگنڈا مہم اَنت۔ وزیر دفاع ءَ گوشت کہ اے وت مہ وتی پبلسٹی مہم ءِ مول ءُ مراد مودی ءَ را یک جھان ءِ سروک ءِ رنگ ءَ پیش دارگ اِنت بلے ایشی ءَ مودی ءِ نام ءَ را یک جھان ءِ جادوگر ءِ رنگ ءَ ھم جوڑ کتگ۔ آئی ءَ گوشت کہ معتبریں جرنل دی گارڈین ءَ وتی رپورٹ ءِ تہ ءَ مودی ءَ را رستگیں ایوارڈ آنی اعتبار ءُ شفافیت ءِ بابت ءَ ھم جُست چست کتگ۔ خواجہ آصف ءَ گوشت کہ مودی ءِ ملک ءِ سروک آنی نیمگ ءَ چہ مصنوعی ستا ءُ ستا ءِ گرگ ءِ بے پرواہیں کوشست درحقیقت وتی ملک ءِ نزور بوھوکیں ساکھ ءَ را دیم ءَ برگ ءِ ناکامیں کوشست انت۔