پیرا پرائیویٹ تعلیمی ادارگ آناں تعلیمی شعبہ ءِ تہا وتی جوانیں ازمت آنی ھاتر ءَ ستا ءِ سرٹیفکیٹ  داتگ

اسلام آباد، 4جولائی  (اے پی پی):  پرائیویٹ تعلیمی ادارگ ریگولیٹری اتھارٹی (آئی سی ٹی-پیرا) ءَ پرائیویٹ تعلیمی ادارگ آنی شرپ ءَ سرٹیفکیٹ ءِ بھر ءُ بانگ ءِ مراگش برجم داشتگ کہ آہاں اتھارٹی ءِ ھاسیں تعلیمی ءُ چاگردی وشھالی ءِ تہ ءَ 100درسد ءِ سر ءَ عمل کنگ ءَ ستا کرزیں ھزمت کتگ۔ اے شرپ ھما وانگ ءُ زانگ ءِ ادارگاں دیگ بوتگ کہ آھاں 2012 ءِ ھک ءِ رد ءَ 10 درسد زلورت مندیں نودربر آناں اسکالرشپ داتگ، بزگریں کلاس آنی زھگ آناں مفت وانگ ءُ زانگ داتگ ءُ وتی راجی ذمہ واری ءَ را پیرا ءِ نیمگ ءَ دیم داتگیں آؤٹ آف اسکول ءِ زھگ آناں وتی تہ ءَ داخل کنگ ءَ پیلو کتگ۔ مراگش ءِ ھاسیں مہمان پیرا ءِ چیئرمین ڈاکٹر غلام علی ملاح بوتگ، وھدیکہ انٹرمیڈیٹ اینڈ سیکنڈری ایجوکیشن ءِ چیئرمین فیڈرل بورڈ پروفیسر ڈاکٹر اکرام علی ملک ءَ مہمان ءِ بستار ءَ بہر زرتگ۔ مراگش ءَ پیرا ءِ مزن مزنیں کارندہ، پرائیویٹ وانگ ءُ زانگ ءِ ادارگ آنی سروک، داد گپتگیں مردمانی نمائندگ ءُ اے دگہ مزنیں مردم آنی بھر زوری بوتگ۔

اے موہ ءِ سر ءَ تران کنان ءَ پیرا ءِ چیئرمین ڈاکٹر غلام علی ملاح ءَ پرائیویٹ وانگ ءُ زانگ ءِ ادارگ آنی ازمت آناں شگر ءُ منت درشان کت ءُ گوشت کہ اے ادارگ نہ ایوک ءَ معیاری وانگ ءُ زانگ پجاری کنگ ءَ اَنت بلکیں مالی یا چاگردی مشکل آنی سبب ءَ زھگ آناں وانگ ءُ زانگ ءِ موہ پجاری ءَ چہ وتی چاگردی ذمہ واری ءَ پیلو کنگ ءَ اَنت۔ آئی ءَ گوشت کہ پرائیویٹ سیکٹر ءِ اے کمکی مفت ءُ لازمی وانگ ءُ زانگ ءِ حق ءِ کانود 2012ءِ راجی ماموریت ءِ تہ ءَ جوانیں رنگ ءَ عمل کنگ، بزگریں زھگ آناں مفت وانگ ءُ زانگ ءِ پھجاری ءُ وانگ ءُ زانگ ءِ نظام ءَ چہ دریں زھگ آناں دوبر ھوار کنگ ءِ راجی ماموریت ءِ تہ ءَ سک باز ھاسیں کرد پیلو کنگ ءَ اِنت۔ ڈاکٹر غلام علی ملا ءَ وفاقی وانگ ءُ زانگ ءُ پیشہ وارانہ تربیت ءِ وزارت ءِ ھاسیں منت واری ءِ درشان کت ءُ گوشت کہ وزارت ءِ برجاھیں سرپرستی، رہشونی ءُ دلبڈی ءِ سبب ءَ آئی سی ٹی پیرا جتا جتائیں وانگ ءُ زانگ ءِ گہتری کار ءُ سرکاری ھزمت ءِ گامگیج آناں سوبمندیں رنگ ءَ برجاہ دارگ ءَ اِنت۔ آئی ءَ اے عزم ءِ یک رندے پدا گوشت کہ اتھارٹی آیوکیں وھد ءَ پرائیویٹ وانگ ءُ زانگ ءِ ادارگ آنی کمک ءَ وتی کوشست آناں برجاہ دار ایت تانکہ ھر زھگ ءَ را کوالٹی ءُ برابریں وانگ ءُ زانگ ءِ موہ دیگ بہ بنت۔

مراگش ءَ گوں تران کنان ءَ فیڈرل بورڈ ءِ چیئرمین پروفیسر ڈاکٹر اکرام علی ملک ءَ پرائیویٹ وانگ ءُ زانگ ءِ ادارگ ءُ ھاسیں رنگ ءَ آھانی استاد آنی ھزمت آناں ساڑات ءُ گوشت کہ کمیں وسیلگ ءُ نسبتا کمیں پگار آنی باوجود پرائیویٹ اسکول آنی استاد راج ءِ آیوکیں وھد ءِ جوڑ کنگ ءَ ارزشتی ایں کرد پیلو کنگ ءَ اَنت۔ آئی ءَ آئی سی ٹی پیرا ءِ اے ادارگ آنی ھزمت آناں دلبڈی ءُ باقاعدہ رنگ ءَ منگ ءِ سر ءَ ستا کرت کہ آ چاگرد ءِ نزوریں تبک ءِ زھگ آناں وانگ ءُ زانگ ءِ پھجارینگ ءِ تہ ءَ مزنیں کردے پیلو کنگ ءَ اَنت۔ مراگش ءِ گڈ ءَ پرائیویٹ وانگ ءُ زانگ ءِ ادارگ آنی نمائندگ آنی تہ ءَ ستا ءِ سرٹیفکیٹ بھر ءُ بانگ کنگ بوت کہ آھاں جوانیں کارکردگی پیش داشتگ۔ شریکیں مردماں اے عزم ءِ پدا زور دات کہ حکومت، ریگولیٹری ادارگ ءُ پرائیویٹ وانگ ءُ زانگ ءِ شوبگ ءِ یکوئی کمک ءَ یک انچیں وانگ ءُ زانگ ءِ نظام جوڑ کنگ بیت کہ اودا ہر زھگ ءَ را بے تبعیض ءَ معیاری وانگ ءُ زانگ ءِ رسگ ءِ یک وڑیں موہ رس ایت۔