مزن  وزیر  شہباز شریف ءَ گوں ترک سیل ءِ چیف ایگزیکٹو اپسرگ علی طحہ کوچ   ءَ گوں گند ءُ نند،  پاکستان ادارگ ءِ گوما دراجیں وھد ءُ پاسی کمک ءِ اوست آنی چار ءُ تپاسی گرگ ءِ دعوت

استنبول۔4جولائی  (اے پی پی): مزن وزیر محمد شہباز شریف ءَ پاکستان ءُ ترکی ءِ نیام ءَ ڈیجیٹل ءُ ٹیکنالوجی ءِ شوبگ ءَ کمک ءَ را گیش کنگ ءِ ارزشت ءِ سر ءَ زور پر دیان ءَ ’’ترک سیل‘‘ ءَ را دعوت داتگ کہ آ 5جی ٹرانسسٹرکچر ٹیکنالوجی ءِ سر ءَ عمل کنگ ءُ ڈیجیٹل سپیکٹرم ءِ نفاذ، نیٹ ورک آپٹیمائزیشن)، اسپیکٹرم  انتظامی، ڈیجیٹل انفراسٹرکچر  ءُ  ٹیکنالوجی،   پاکستانی ادارگ آنی گوما دراجیں مدتی کمک ءِ امکانات آنی چار ءُ تپاسی ءَ بہ کنت۔ شمبے ءِ روچ ءَ ترکی ءِ تر ءُ تاب ءِ وھد ءَ ترکی سیل ءِ سی ای او علی طہا کوچ ءَ مزن وزیر محمد شہباز شریف ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ پاکستان ءُ ترکی ءِ نیام ءَ ڈیجیٹل ءُ ٹیکنالوجی ءِ شوبگ ءَ کمک ءَ را گیش گہتر کنگ ءِ ارزشت ءِ سر ءَ زور پر دات۔ آئی ءَ ’’پاکستان ءُ ترکی ڈیجیٹل راہداری‘‘ ءِ جوڑ کنگ ءِ واستہ حکومت ءِ وژن ءِ سرا چمشانک دات، ایشی ءِ مول ءُ مراد دمگی ڈیجیٹل رابطہ کاری ءَ را مھکم کنگ، ایمنیں سرحد ءِ سرا ڈیٹا ءِ تبادلہ ءَ را آسراتی دیگ ءُ ڈیجیٹل انفراسٹرکچر ءِ یکجاھی ءَ را دیمروئی دیگ اِنت۔ پاکستان ءِ تہ ءَ ترندی ءَ گوں دیمروئی کنوکیں ڈیجیٹل لینڈ اسکیپ ءِ سر ءَ چمشانک دیان ءَ مزن وزیر ءَ ترک سیل ءَ را پاکستانی ادارگ آنی گوما دراجیں مدتی کمک ءِ امکانات آناں پٹ ءُ پول کنگ ءِ دعوت دات ایشی ءِ تہ ءَ 5 جی رول آؤٹ، نیٹ ورک ءِ اصلاح، سپیکٹرم مینجمنٹ، ڈیجیٹل انفراسٹرکچر ءُ ٹیکنالوجی ءِ ٹرانسفر ھوار اَنت۔ آئی ءَ کمپنی ءَ را ٹیلی کمیونیکیشن ءِ سامان آنی لوکل مینوفیکچرنگ، سافٹ ویئر ءِ دیمروئی، ڈیجیٹل مہارت آنی دیمروئی ءُ صلاحیت سازی ءِ پڑ آنی تہ ءَ شریکداری ءِ سر ءَ ھیال ءُ لیکہ کنگ ءِ واستہ دلبڈی دات۔ آئی ءَ گوشت کہ اے رنگیں کمک ءَ چہ پاکستان ءِ ٹیکنالوجی ءِ ماحولیاتی نظام ءَ را مھکم کنگ بیت ءُ نوآبادیاتی، روزگار ءُ برجمیں دیمروئی ءِ واستہ موہ پیداک بنت۔ مزن وزیر ءَ شفاف ءُ سرمایہ کار دوستیں کاروباری چاگرد ءِ برجائی ءِ واستہ حکومت ءِ عزم ءِ سر ءَ زور پر دات۔ اے عمل ءِ تہ ءَ ھاسیں سرمایہ کاری ءِ آسراتی ءِ کمک ھوار اِنت تانکہ کلیدی شوبگ آنی تہ ءَ ھاسیں رنگ ءَ انفارمیشن ءُ کمیونیکیشن ٹیکنالوجی آنی تہ ءَ اسٹریٹجک سرمایہ کاری ءِ آسراتی ءِ واستہ ھوار اِنت۔ علی طہا کوچ ءَ حکومت پاکستان ءِ دیمروئی ءِ ڈیجیٹل ٹرانسفارمیشن ایجنڈا ءِ توسیپ کت ءُ ٹیلی کمیونیکیشن، ڈیجیٹل انفراسٹرکچر ءُ نوکیں ٹیکنالوجی آنی تہ ءَ کمک ءِ موہ آنی شوھازگ ءِ تہ ءَ ترک سیل ءِ سک باز دلگوشی ءِ درشان کت۔ آئی ءَ کمپنی ءِ یکجاھیں اقتصادی ءُ ٹیکنالوجی ءِ مول ءُ مراد آنی سرجمی ءَ را سرجم کنگ ءِ واستہ سیادی داروکیں پاکستانی شریک آنی گوما نزیکی ءَ کار کنگ ءِ کمپنی ءِ عزم ءِ سر ءَ زور پر دات۔