اسلام آباد پولیس ءِ تہا 1712 پوسٹانی بھرتی، بھرتی ءِ واستہ میرٹ ءِ تہنا گچین کاری ءِ معیار بیت، محسن نقوی

اسلام آباد۔4جولائی  (اے پی پی): وفاقی تہی کارانی وزیر محسن نقوی ءَ گوشت کہ اسلام آباد پولیس ءِ تہ ءَ 1712 پوسٹ آنی واستہ بھرتی برجاہ اِنت، بھرتی ءِ واستہ ایوکیں گچین کاری ءِ معیار میرٹ بیت۔ شمبے ءِ روچ ءَ سوشل میڈیا ایکس ءِ سر ءَ اسلام آباد پولیس ءَ بھرتی ءِ اشتہار شیئر کنان ءَ وفاقی تہی کارانی وزیر محسن نقوی ءَ گوشت کہ بازیں ودار ءَ پد پاکستان ءِ ورنائیں جنک ءُ بچک آنی واستہ زرین موہ اتکگ ءُ اسلام آباد پولیس ءَ 1712 پوسٹ آنی بھرتی ءِ کار برجاہ اِنت۔ اگاں شمئے تہا عزت، بہادری ءُ ایمانداری ءِ گوما پاکستان ءِ خدمت ءِ شوق است انت گڈا اے شمئے واستہ جوانیں موہ انت۔ امیدواراں کہ پاکستان ءِ کجام ھم استان، دمگ یا دمگ ءَ گوں سیادی دار اَنت، درخواست دات کن اَنت۔ بھرتی ٹیسٹ شمئے نزیکیں دمگاں برجم دارگ بنت۔ درخواست جمع کنگ ءِ واستہ بس 4 روچ ھست انت، پمیشکا اے موہ ءَ چہ دست مہ کش اِت۔ آئی ءَ گوں ھاسیں رنگ ءَ گوشت کہ اے بھرتی آنی تہ ءَ ایوکیں گچین کاری ءِ معیار میرٹ بیت۔ ہر امیدوار کہ بھرتی ءِ عمل ءَ را متاثر کنگ ءِ جہد کنت یا ہچ وڑیں سفارش یا دباؤ ءِ کارمرز کنگ ءِ جہد ءَ کنت آ فوراً نااہل کنگ بیت۔ آئی ءَ گوشت کہ اسلام آباد پولیس ءِ بھر جوڑ بئے، پاکستان ءِ ھزمت ءَ گوں شان ءَ بکن۔ آئی ءَ گوشت کہ npftas.pk ءِ سر ءَ آن لائن درخواست بہ کن اِت۔