یک راج، یک نظام‘ ءِ وژن ءِ چیر دستی ءَ سرجمیں ملک ءَ ای پیڈز 2.0 ءِ بندات کنگ ءِ تیاری سرجم بوتگ، ءُ گوستگیں سال ءِ تہ ءَ ای پیڈز ءِ کارمردی ءِ وسیلگ ءَ انتظامی ھرچ ءُ درچ ءِ تہ ءَ 20 ارب 52کروڑ کلدار ءِ ریکارڈ بچت بوتگ

اسلام آباد۔2جولائی  (اے پی پی): سرکاری خریداری ریگولیٹری اتھارٹی ءَ ’یک راج یک نظام‘ ءِ وژن ءِ چیر دستی ءَ ای پاکستان ءِ گرگ ءُ رد کنگ ءِ نظام بزاں ای پیڈز 2.0 ءِ بندات کنگ ءِ تیاری سرجم کتگ۔ اے گامگیج وفاقی حکومت ءِ سرکاری چیز بھا زورگ ءِ نظام ءَ را نوک جوڑ کنگ، شفافیت ءُ احتساب ءَ را گیش مھکم کنگ ءُ مزن وزیر ءِ ڈیجیٹل پاکستان ءِ وژن ءِ رد ءَ نظام ءَ را سرجمی ءَ ڈیجیٹل جوڑ کنگ ءِ عزم ءِ درشان اِنت۔ اے ھیالانی درشانی منیجنگ ڈائریکٹر پیپرا حسنت احمد قریشی ءَ پنچ شمبے ءِ روچ ءَ پریس کانفرنس ءَ گوں تران کنان ءَ کت۔ اے موہ ءِ سر ءَ ڈائریکٹر جنرل لیگل پیپرا محمد اسلم وسیم ءُ پروجیکٹ ڈائریکٹر ایپڈز شیخ افضل رضا ھم ساڑی بوتگ اَنت۔ منیجنگ ڈائریکٹر پیپرا ءَ گوشت کہ ای پیڈز ءِ نوکیں ورژن سرکاری زرکاری ءُ کنٹریکٹ مینجمنٹ ءِ واستہ نوکیں ءُ کارمرد کنگ ءَ آسانیں نظام اِنت، ایشی ءَ را ای پیڈز ٹیم ءِ نیمگ ءَ چہ میاں اوستمانی معیار ءُ آیوکیں ڈیجیٹل لوٹ آنی رد ءَ جوڑ کنگ بوتگ۔ اے نظام ءَ سپلائر رجسٹریشن، فائدہ مندیں ملکیت ءِ تصدیق، ای انوائسنگ، ڈیجیٹل ادائیگی، ای بولی جمع کنگ، نظام ءِ چیر دستی ءَ بولی ءِ تصدیق، جتا جتائیں ادارگ آنی باہمی یکجا کنگ، نگرانی ڈیش بورڈ ءُ مالیاتی منصوبہ بندی ءَ را گہتر کنگ ءِ واستہ عزم اکاؤنٹنگ ءِ وڑیں آسراتی داتگ انت۔ آئی ءَ گوشت کہ ای پیڈز ءِ نوکیں ورژن اصل ءَ مئے ’یک راج، یک نظام‘ ءِ وژن ءِ عملی ترجمانی اِنت کہ ایشی ءَ یک یک ءُ مشترکہ ڈیجیٹل پلیٹ فارم ءِ پجارینگ بیت کہ ایشی ءَ چہ کارکردگی، احتساب ءُ مالیاتی نظم ءُ ضبط ءَ را گیش کنگ بیت وھدیکہ کاروبار کنگ ءِ ھرچ ءُ درچ ءَ را ھم مزنیں کساسے ءَ کم کنگ بیت۔ آئی ءَ گوشت کہ ای پیڈز ءِ نوکیں ورژن ءِ بندات کنگ اولی ای پیڈز سسٹم ءِ سوبمندی آنی تسلسل اِنت ایشی ءِ وسیلگ ءَ مالی سال 26۔2025ءِ ساھت ءَ 1.4کرب کلدار ءَ چہ گیش ءِ لین دین سرجم کنگ بوتگ، 10ہزار ءَ چہ گیش سرکاری ادارگ آنی تہ ءَ 10ہزار ءَ چہ گیش سرکاری ادارگ آنی تہ ءَ 51ہزار نوکیں سپلائر آنی سر ءَ عمل کنگ بوتگ۔ وفاقی حکومت ءَ اے سال ءِ فروری ءَ چہ ، کہ اودا 1800 ءَ چہ گیش سرکاری ادارگ ءُ 19000 سپلائر رجسٹرڈ بوتگ انت ، نوکیں نظام ءِ وسیلگ ءَ ہفت ہزار ءَ چہ گیش خریداری سرجم بوتگ انت۔ آئی ءَ گوشت کہ اے نظام ایف بی آر، ناڈرا، ایس ای سی پی، پاکستان انجینئرنگ کونسل، صوبائی ریونیو اتھارٹیز ءُ ڈی آر اے پی ءِ گوما سرجمی ءَ یکجا اِنت، وھدیکہ نیشنل اکاؤنٹبلٹی بیورو، مقابلہ کمیشن ءُ پاکستان ءِ آڈیٹر جنرل ءَ را ھم نگرانی ءِ آسراتی پجاری کنگ بوتگ۔ حسنت قریشی ءَ اے گپ ءِ سر ءَ زور پر دات کہ مزن وزیر ءَ ملک ءَ زرکاری ءِ نظام ءَ را نوک کنگ ءِ تہ ءَ سک باز دلگوشی داتگ ءُ مالی سال 2024-25ءِ ساھت ءَ ای پیڈز ءِ ترندیں رنگ ءَ کارمرد کنگ ءِ سبب ءَ زرکاری ءِ انتظامی ھرچ ءُ درچ ءَ 20 ارب 52 کروڑ کلدار ءِ مزنیں بچت ممکن بوتگ۔ ایشی ءِ تہ ءَ خریداری ءِ ادارگ آنی واستہ 17.18ارب کلدار ءُ سپلائر آنی واستہ 3.33ارب کلدار ءِ بچت ھوار اِنت۔ آئی ءَ گوشت کہ اے سوبمندی کارکردگی ءِ تہ ءَ گہتری، کاروبار کنگ ءِ ھرچ ءُ درچ ءِ تہ ءَ کمی ءُ کارروائی ءَ را سادہ ءُ کارآمد جوڑ کنگ ءِ وسیلگ ءَ رستگ۔ ایم ڈی پیپرا ءَ گوشت کہ روایتی کاگد ءِ سر ءَ بنیات ءِ رھبند ءِ بدل ءَ ای پیڈز ءِ کارمرد کنگ ءَ چہ گِر ءُ دار ءِ کنٹریکٹ ءِ ھرچ ءُ درچ ءَ ھم مزنیں بچت ءِ موہ است انت۔ آئی ءَ گوشت کہ ایوک ءَ چار گرگ ءِ تہ ءَ یک ارب 86ارب کلدار ءِ بچت بوتگ۔ اے رد ءَ ہائیر ایجوکیشن کمیشن ءِ نیمگ ءَ یک لکھ لیپ ٹاپ ءِ گرگ، جیپکو ءُ پیسکو ءِ نیمگ ءَ توانائی ءِ میٹر ءِ گرگ ءَ کلیں 105.6 ملین کلدار ءِ بچت، خیبر پختونخوا ٹیکسٹ بک بورڈ ءِ نیمگ ءَ کتابانی ھرچ ءُ درچ 133.9 ملین ءَ چہ فیڈرل   127.5 ملین کلدار ءَ کم کنگ، ٹیکہ کاری۔ آئی ءَ گوشت کہ اے گامگیج آنی آسر ءَ 29.8درسد ءِ میان اُستمانی بچت بوتگ، وھدیکہ اے شرح ءَ را 10 ءَ چہ 15درسد گیش کنگ ءِ امکان است اِنت۔ آئی ءَ گوشت کہ ڈیجیٹل ٹرانسفارمیشن ءِ گوما پیپیرا ءَ نومبر 2024 ءَ مزن وزیر محمد شہباز شریف ءِ نیمگ ءَ منظور کتگیں اصلاحات ءِ روڈ میپ ءِ رد ءَ جتا جتائیں شوبگ آنی تہ ءَ اصلاحات آنی سر ءَ عمل درآمد کتگ، اے روڈ میپ ورلڈ بینک ءِ میاں اوستمانی ماہرین آنی جائزہ ءِ رپورٹ ءِ بنیات ءَ جوڑ کنگ بوتگ۔ ایم ڈی پیپرا ءَ گوشت کہ ادارگ ءِ تکنیکی ءُ کانودی گنجائش ءَ را گیش کنگ ءُ وتی وس ءَ ای پیڈز ءِ نوکیں ورژن تیار کنگ ءِ واستہ ماہرین بھرتی کنگ، وفاقی ادارگ آنی تہ ءَ 200 ءَ چہ گیش پروکیورمنٹ سیل آنی جوڑ کنگ، جدید ءُ 16 کلاک ءِ فعالیں کمکی میز ءِ سرا کار کنگ بیت۔ ریگولیٹری اصلاحات ءِ تہ ءَ پیپرا آرڈیننس 2002 ءِ تہ ءَ ترمیم، سرکاری خریداری ءِ رھبند 2025 ءِ تیاری ءُ نوکیں رھبند آنی جوڑ کنگ ھوار اِنت۔ نوکیں رھبندانی رد ءَ الیکٹرانک پروکیورمنٹ ءُ ای ڈسپوزل ءَ را المی جوڑ کنگ بوتگ وھدے کہ شکایت آنی گیواری ءِ کمیٹی، موثر بلیک لسٹنگ سسٹم، سیمی فریق ءِ نگرانی، فریم ورک ءِ منوگری ءُ منوگری ءِ انتظام ءِ وڑیں گامگیج ھم ھوار کنگ بوتگ اَنت۔ آئی ءَ گوشت کہ صلاحیت سازی اصلاحات ءِ ایجنڈا ءِ یک مرکزی بھر بوتگ ءُ تاں انوگ ءَ 14752 افسر ءُ وینڈر آناں تربیت دیگ بوتگ ایشی ءِ تہ ءَ 2023ءَ ای پیڈز ءِ بندات ءَ چہ 7491 ءِ تربیت بوتگ۔ کمسیٹس۔ اے موہ ءِ سر ءَ منیجنگ ڈائریکٹر پی پی آر اے ءَ 2026-31 ءِ احاطہ کنوکیں پنچ سالی اصلاحاتی روڈ میپ ھم پیش کت، ایشی ءِ چیر دستی ءَ ملک ءَ ای پیڈز ءِ نوکیں ورژن ءِ دیم ءَ آرگ بیت۔مول ءُ مراد ایش انت کہ سرجمیں ملک ءَ ایشی ءِ سر ءَ عمل کنگ بہ بیت، اوپن کنٹریکٹنگ ڈیٹا اسٹینڈرڈز، نگرانی ءُ ارزیابی ءُ کثیر جہتی دیمروئی بینک آنی نیمگ ءَ چہ مالی کمک ءِ وسیلگ ءَ خریداری ءِ ماڈیول ءُ ڈیش بورڈ ءِ دیم ءَ آرگ بہ بیت، سرکاری ادارگ آنی واستہ ھاسیں ماڈیول جوڑ کنگ بہ بنت، کنٹریکٹ ءِ انتظامی نظام ءَ را گیش یکجا کنگ بہ بیت، راجی خریداری ءِ رھبند ءِ جوڑ کنگ بہ بیت۔ تجزیاتی نظام، پیپارا ءِ قوانین ءِ رد ءَ عمل نہ کنگ ءَ کم کنگ، چیز بھا زورگ  ءِ  کار  ءِ مدت ءَ کم کنگ، ءُ خریداری ءِ افسر ءُ فروشندہ آنی  کزبی ازمکاری   ءَ را گہتر کنگ۔