صدر آصف علی زرداری ءَ وینزویلا ءَ بوتگیں شدیدیں زمین چنڈ ءَ گران بھائیں انسانی جانانی بیرانی ءِ سر ءَ دلپدردی ءِ درشان

اسلام آباد۔25جون  (اے پی پی): صدر آصف علی زرداری ءَ وینزویلا ءَ مزنیں زمین چنڈ ءِ سبب ءَ گران بھائیں انسانی جانانی تاوان ءُ مزنیں کچے ءَ تباہی ءِ سر ءَ دلپدردی ءُ رنج ءِ درشانی کتگ۔ پنچ شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ تہ ءَ صدر ءِ مملکت ءَ بیران بوتگیں مردمانی کھول ءِ گوما دلپدردی ءِ درشانی کتگ ءُ اے گرانیں وھد ءَ وینزویلا ءِ حکومت ءُ الس ءِ گوما ھمدردی ءُ یکوئی ءِ درشانی کتگ۔ صدر آصف علی زرداری ءَ گوشت کہ پاکستان ءِ الس وینزوئلا ءِ الس ءِ غم ءَ یک پیم ءَ شریک انت ءُ آہانی غم ءَ وتی لیک انت۔ آئی ءَ زمین چنڈ ءَ ٹپیگیں مردمانی زوت جان سلامتی ءِ دعا کت ءُ آماچیں مردم آنی واستہ دلیری، دلبڈی ءُ استقامت ءِ نیکیں واھگ آنی درشان کت۔ صدر ءَ امیت سہرا کت کہ وینزویلا ءِ اُلس اے سانحہ ءَ را دلیری ءُ جزم ءِ گوما چہ دیم ءَ رؤت، ءُ کمکی ءُ ریسکیو ءِ کاروائی آں چہ زلورت مندیں مردم آناں وھد ءِ سر ءَ کمک ءِ پجارینگ ءَ سوبمند بنت۔