مزن وزیر شہباز شریف ءَ وینزویلا ءَ تباہ کنوکیں زمین چنڈ ءِ سبب ءَ جانی ءُ مال ءِ تاوان ءِ سرا غم ءِ درشان

اسلام آباد۔25جون  (اے پی پی): مزن وزیر محمد شہباز شریف ءَ وینزویلا ءَ بوتگیں تباہ کنوکیں زمین چنڈ ءِ سبب ءَ جانی ءُ مال ءِ تاوان ءِ سر ءَ سکیں دلپدردی ءُ رنج ءُ گم ءِ درشانی کتگ۔ پنچ شمبے ءِ روچ ءَ ’’ایکس‘‘ ءِ سر ءَ وتی کلوہ ءِ تہ ءَ مزن وزیر ءَ گوشت کہ پاکستان ءِ الس آنی نیمگ ءَ وینزویلا ءِ حکومت ءُ الس ءِ گوما ھاسیں رنگ ءَ زمین چنڈ ءَ چہ بیران بوتگیں مردم آنی کھول ءِ گوما دلپدردی ءِ درشانی کتگ۔ مزن وزیر ءَ گوشت کہ ما ٹپیگ آنی زوت جان سلامتی ءِ واستہ دعا کن ایں ءُ اے گرانیں ءُ کوشستی وھد ءَ آماچیں مردم آناں گوں سرجمیں یکجہتی ءِ درشان کن آں ۔