میوچل فنڈ سیکٹر بچت ءِ برجا کنگ، مالیاتی میانجی داری ءِ مھکم کنگ، سرمایہ کاری مارکیٹ آنی دیمروئی ءِ تہ ءَ ھاسیں کرد پیلو کنگ ءَ اِنت، وزیر ءِ ھزانگ ءَ گوں میوفاپ  ءِ ڈل ءَ گپ ءُ تران

اسلام آباد۔5مئی  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ میوچل فنڈ سیکٹر بچت ءِ برجا کنگ، مالیاتی میانجی داری ءَ را مھکم کنگ ءُ پاکستان ءِ سرمایہ کاری مارکیٹ آناں دیمروئی دیگ ءِ تہ ءَ ھاسیں کرد پیلو کنگ ءَ اِنت۔ بچت ءِ نظام ءَ را گیش مھکم کنگ پہ اقتصادی دیمروئی ءِ برجائی ءَ المی اِنت۔ آئی ءَ اے گپ سئے شمبے ءِ روچ ءَ میوچل فنڈز ایسوسی ایشن آف پاکستان ءِ ڈل ءَ گوں گند ءُ نند ءَ کت۔ اے ڈل ءِ سروکی موفاپ ءِ چیئرمین شہزاد دادا ءَ کتگ ات۔ گند ءُ نند ءَ میوچل فنڈ انڈسٹری ءِ ھوالگ ءَ جیڈھ ءُ آیوکیں مالی سال ءِ وفاقی بجٹ ءِ رد ءَ ایشی ءِ کرد ءِ سر ءَ ھیال ریچی کنگ بوت۔ وزیر خزانہ ءَ پالیسی گپ ءُ تران ءِ تہا اثاثہ جات ءِ بندوبست ءِ صنعت ءِ برجاھیں ھوار بوھگ ءِ توسیپ کت ءُ بچت ءِ برجا کنگ، مالیاتی میانجی داری ءَ را مھکم کنگ ءُ پاکستان ءِ سرمایہ کاری مارکیٹ آناں دیمروئی دیگ ءِ تہ ءَ میوچل فنڈ ءِ شوبگ ءِ ھاسیں کرد ءَ را من اِت۔ دیوان ءِ تہ ءَ سرجمیں بچت ءِ منظر نامہ ءَ را گیش گہتر کنگ ءُ سرمایہ کار آنی دست ءَ مالیاتی آلات آنی کارکردگی ءُ گہتری ءِ سر ءَ دلگوشی دیگ بوتگ۔ شریک داروکاں بچت ءِ برجا کنگ ءِ واستہ ادارگی فریم ورک ءَ را گیش مھکم کنگ ءِ ضلورت ءِ سر ءَ زور پر دات ءُ اے گپ ءَ ھم پک کنگ بہ بیت کہ پالیسی ءِ گامگیج آناں مالیاتی شوبگ ءِ دراجیں مدتی مول ءُ مراد آنی گوما ھمگرنچ کنگ بہ بیت۔ گند ءُ نند ءَ میوچل فنڈ ءِ صنعت ءِ ھوالگ ءَ جیڈھ آنی سر ءَ ھم تران کنگ بوت، ایشی ءِ تہ ءَ بجٹ فریم ورک ءِ ھوالگ ءَ ھیال ءُ لیکہ ءُ شوبگ ءِ دیمروئی ءِ واستہ ریگولیٹری گہتری ءِ ضلورت ھوار اِنت۔ شریکیں مردماں اثاثہ جات ءِ بندوبست ءِ شوبگ ءَ سرمایہ کاری ءِ موہ آناں گیش کنگ ءِ واستہ متبادل فنڈ گاڑی آنی جوڑیشت ءِ آسراتی ءِ سر ءَ زور پر دات۔ باہمی فنڈز ءِ تہا خوردہ سرمایہ کار آنی شریکداری ءَ را گیش کنگ ءَ را بچت ءِ بنیات ءَ را گیش کنگ ءُ مالیاتی شمولیت ءَ را گیش کنگ ءِ ھاترا یک کلیدی اولویت ءِ رنگ ءَ پجارینگ بوتگ۔ ھمے رنگ ءَ باہمی فنڈ ءِ صنعت ءُ سرجمیں مارکیٹ ءِ دیمروئی ءَ را مھکم کنگ ءِ واستہ غیر بینک مالیاتی ادارگ آنی گیشیں بھر زوری ھم المی لیکگ بوتگ۔ شریکیں مردماں راجی بچت ءِ اسکیم آنی بابت ءَ ھم وتی ھیال درشان کت ءُ اے گپ ءِ سر ءَ زور پر دات کہ اے ساز ءُ سامان آناں گیشیں مارکیٹ ءِ حرکیات ءِ گوما ھمگرنچ کنگ بہ بیت تانکہ تحریف ءَ چہ بچگ بہ بیت ءُ درستیں بچت ءِ چیز آنی واستہ یک برابریں میدان ءِ پجارینگ بہ بیت۔ اے درگت ءَ یک تدریجی ءُ یکجاھیں رھبندے ءِ ھاترا المی لیکگ بوتگ۔ وزیر ءِ ھزانگ ءَ ڈل ءِ نیمگ ءَ جتگیں گپ آناں ساڑات ءُ گوشت کہ برجاھیں بجٹ جوڑیشت ءِ وھد ءَ اے سوج آناں ھیال داری کنگ بیت۔ آئی ءَ زور پر دات کہ حکومت یک متوازن ءُ سازگاریں چاگرد ءِ جوڑ کنگ ءِ سر ءَ دلگوشی دیگ ءَ اِنت کہ ایشی ءَ چہ اثاثہ جات ءِ بندوبست ءِ صنعت ءِ دیمروئی ءَ را آسراتی رسیت ءُ مالیاتی استحکام ءَ را ھم برجم دارگ بیت۔ آئی ءَ اے گپ ءِ سر ءَ زور پر دات کہ بچت ءِ نظام ءَ را گیش مھکم کنگ پائیدار اقتصادی دیمروئی ءِ واستہ یک کلیدی ستون اِنت۔ فریقین ءَ موثر پالیسی سازی ءِ واستہ برجاھیں رابطہ کاری ءِ برجم دارگ ءُ اے شوبگ ءِ وسیلگ ءَ سرمایہ کاری مارکیٹ ءِ دیمروئی ءُ وسیلگ آنی یکجا کنگ ءَ را گیش گہتر کنگ ءِ سر ءَ تپاک کت۔ دیوان ءَ میوفاپ ءِ چیف ایگزیکٹو آفیسر مشموما زھرہ مجید، میوفاپ ءِ بورڈ آف ڈائریکٹرز ءِ باسک ڈاکٹر امجد وحید، محمد عبدالصمد، ءُ امتیاز گدار، خلدون بن لطیف ءَ بہر زرتگ۔ دیوان ءِ تہ ءَ وزارت ءِ مالیات ءِ مزنیں کارندہ ھوار ڈائریکٹر جنرل ٹیکس پالیسی ءِ کارگس ءُ باسک (اندرونی آمدنی آپریشن) ھم ھوار بوتگ اَنت۔