نائب مزن وزیر ءَ کرشنگ سیزن  ءِ گڈ ءَ شکر ءِ پیداوار ءِ چار ءُ تپاسی ءِ واستہ دیوان ءِ سروکی

اسلام آباد۔5مئی  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ سئے شمبے ءِ روچ ءَ مزن تک ءِ دیوان ءِ سروکی ءَ کنان ءَ استیں کرشنگ موسم ءِ گڈ ءَ شکر ءِ پیداوار ءِ سر ءَ چار ءُ تپاسی کت۔ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءَ اے گپ ءِ سر ءَ دل یکیمی ءِ درشان کت کہ رواں موسم ءَ شکر ءِ پیداوار دلبڈی بوتگ۔ آئی ءَ گوشت کہ ایشی ءَ چہ نرخ آنی استحکام ءِ برجائی ءِ گوما ملکی لوٹ ءِ پیلو کنگ ءِ واستہ مارکیٹ ءَ جوانیں سپلائی ءَ را دل یکیمی کنگ ءَ کمک رسیت۔ گند ءُ نند ءَ راجی وردن ءُ وراک ءِ سلامتی ءِ وفاقی وزیر رانا تنویر حسین، موسمی بدلی ءِ وزیر مصدق ملک، مزن وزیر ءِ ھاسیں کمکار طارق باجوہ ءَ ابید صنعت، تجارت ءُ راجی وردن ءِ سلامتی ءِ سیکرٹری ءُ سیادی داروکیں محکمہ آنی ایندگر مزنیں کارندہ آنی بھر زوری بوتگ۔