رانا مشہود احمد خان ءَ مزن وزیر ءِ ورنا پروگرام ءُ اقوام متحدہ ءِ ورنا ٹاسک فورس ءِ مزن تک ءِ دیوان ءِ سروکی

اسلام آباد۔5مئی  (اے پی پی): چیئرمین مزن وزیر ءِ ورنا پروگرام رانا مشہود احمد خان ءَ گوشت کہ پاکستان ءِ حکومت ءُ اقوام متحدہ ورنا آنی تہ ءَ سرمایہ کاری ءَ را اولی ترجی لیک اَنت۔ گوستگیں دو سال آنی تہ ءَ مزن وزیر ءِ ورنا پروگرام ءِ چیر دستی ءَ 305ارب کلدار ءَ چہ گیش کاروباری وام بھر ءُ بانگ کنگ بوتگ ءُ لاکھوں ورنا آناں تربیت دیگ بوتگ۔ سئے شمبے ءِ روچ ءَ مزن وزیر ءِ ورنا پروگرام ءِ نیمگ ءَ جاڑی بوتگیں بیان ءِ رد ءَ اسلام آباد ءَ مزن وزیر کارگس ءَ مزن وزیر ءِ ورنا پروگرام ءُ اقوام متحدہ ءِ ورنا ٹاسک فورس ءِ نیام ءَ مزن تک ءِ گند ءُ نند برجم دارگ بوت ایشی ءِ سروکی ءَ مزن وزیر ءِ ورنا پروگرام ءِ چیئرمین رانا خامد مشہود اے ءَ کت۔ گند ءُ نند ءِ مول ءُ مراد ورنا آناں دیمروئی، مہارت ءِ تربیت ءُ کاروباری موہ آنی گوما یکجائی پلیٹ فارم ءِ رنگ ءَ مزن وزیر ءِ ڈیجیٹل یوتھ ہب ءَ را یکجائی پلیٹ فارم ءِ رنگ ءَ کارمرد کنگ ءِ واستہ کمک ءَ را مھکم کنگ ءُ آوانی واستہ موہ آناں گیش کنگ اِنت۔ گند ءُ نند ءَ پاکستان ءَ اقوام متحدہ ءِ نندوکیں ءُ انسانی کمک ءِ کوآرڈینیٹر محمد یحییٰ، اقوام متحدہ ءِ ورنا ٹاسک فورس ءِ باسک ءُ مزن وزیر ءِ ورنا پروگرام ءِ نمائندگاں شریک بوتگ۔ اے گپ ءِ سر ءَ دلگوش گور کنگ بوت کہ پاکستان ءَ اقوام متحدہ ءِ ورنا ٹاسک فورس ءِ نزیک ءَ 90درسد باسک پاکستانی شہری اَنت کہ ایشی ءَ چہ دمگی نمائندگی ءُ راجی ھوار بوھگ ءِ درشان اِنت۔ چیئرمین ءَ وتی بنداتی گشتانک ءِ تہ ءَ اقوام متحدہ ءِ نمائندگ آناں وش اتک کت ءُ اے گپ ءِ سر ءَ زور پر دات کہ حکومت پاکستان ءُ اقوام متحدہ ورنا آنی تہ ءَ سرمایہ کاری ءَ را کلیدی ترجیح لیک ایت۔ آئی ءَ گوشت کہ پاکستان ءَ نزیک ءَ 100 لکھ ورنا (10 ءَ چہ 29سال ءِ عمر ءَ) است انت کہ آ ملک ءِ یک مزنیں ءُ زندگیں بھر انت۔ آئی ءَ اقوام متحدہ ءِ کلیدی شریک آنی وڑیں یونیسیف ءُ آئی ءِ ”نسل لامحدود“ گامگیج، اقوام متحدہ ءِ آبادی ءِ فنڈ، اقوام متحدہ ءِ دیمروئی پروگرام، میاں اوستمانی لیبر آرگنائزیشن ءُ یونیسکو ءِ ھزمت آناں ساڑات کہ آھاں ورنا آنی روزگار، وانگ ءُ زانگ ءُ مہارت آنی دیمروئی ءِ تہ ءَ مزنیں کرد پیلو کتگ۔ چیئرمین ءَ گوشت کہ گوستگیں دو سال آنی تہ ءَ مزن وزیر ءِ ورنا پروگرام ءِ تہ ءَ 305ارب کلدار ءَ چہ گیش کاروباری وام بھر ءُ بانگ کنگ بوتگ ءُ لاکھوں ورنا آناں تربیت پجاری کنگ بوتگ۔ آئی ءَ گوشت کہ اگاں پیشرفت بوتگ بلے چیلنج سک باز اِنت ایشی ءِ واستہ گیش ھمگرنچ ءُ ترندیں کارروائی آنی ضلورت اِنت۔ گند ءُ نند ءِ مستریں بنگپ مزن وزیر ءِ ڈیجیٹل یوتھ ہب ات کہ ایشی ءَ را pmyp.gov.pk ءِ وسیلگ ءَ دستیاب انت۔ پلیٹ فارم ورناہانی واستہ یک جامع ڈیجیٹل سسٹم ءِ کہ ایشی ءِ تہا ورناہانی رجسٹری سسٹم ھوار انت کہ اودا آہانی وانگ ءُ زانگ، مہارت ءُ دلچسپی ریکارڈ کنگ بنت، ایشی ءِ ہمراہی ءَ یک موہ ءِ سسٹم ہم است انت کہ ایشی ءِ تہا سرکاری ادارہ، اقوام متحدہ، این جی اوز ءُ نجی شعبہ نوکری، اسکالرشپ، انٹرنشپ ءُ تربیت ءِ پروگرام ءِ وسیلہ ءَ دیم ءَ آرگ بنت، وہدے کہ اے ہم شارٹ ریجن ءِ نگرانی ءِ ڈیٹا ءِ بہر انت اختلافات ءُ جتا جتائیں پروگرامانی کارکردگی ءِ سرا چمشانک دیگ بوتگ۔ چیئرمین ءَ گیش گوشت کہ ڈیجیٹل یوتھ ہب ءَ را ’’فائدگ ایکٹ 2026‘‘ ءِ چیر دستی ءَ سرکاری پلیٹ فارم ءِ درجہ دیگ بیت ءُ درستیں وفاقی وزارت آناں پنت ءُ شون  کنگ بیت کہ آ وتی ورنا آنی ھوالگ ءَ پروگرام آناں ایشی ءِ سر ءَ ھوار بہ کن اَنت۔ گند ءُ نند ءِ ساھت ءَ محمد یحییٰ ءَ سرکاری رنگ ءَ اقوام متحدہ ءِ پناہ گزین آنی ہائی کمشنر ءَ را ڈیجیٹل یوتھ ہب ءَ ہوار کتگ کہ اے یک مزنیں دیمروئی یے ۔ شریکیں مردماں سرپدی دیگ بوت کہ اے پلیٹ فارم سرجمی ءَ کار کنگ ءَ اِنت ءُ سرجمیں ملک ءِ ورنا ایشی ءِ سر ءَ رجسٹریشن کنگ ءَ اَنت۔ اے گپ ءِ سر ءَ زور پر دیگ بوت کہ اقوام متحدہ، دیمروئی شریک ءُ نجی شعبہ ءَ را موہ آناں گیش کنگ ءِ تہ ءَ گیش فعالیں کرد پیلو کنگ لوٹ ایت۔ چیئرمین ءَ اقوام متحدہ ءِ درستیں ادارگاں چہ اپیل کت کہ آ وتی پروگرام چوشکہ انٹرنشپ، فیلوشپ، ٹریننگ، اسکالرشپ ءُ رضاکارانہ موہ ءِ سرا اے پلیٹ فارم ءِ سرا رجسٹرڈ ءُ دیمروئی بہ کن انت۔ آئی ءَ پرائیویٹ سیکٹر ءِ کرد ءَ را ھم سک باز المی لیک اتگ۔ پاکستان حکومت ءَ دل یکیمی دات کہ ’’بینفٹ ایکٹ 2026‘‘ ءِ چیر دستی ءَ نجی شعبہ ءِ گوما کمک ءَ را گیش آسراتی دیگ بیت۔ دیوان ءَ اے گپ ءِ سر ءَ ھم زور پر دیگ بوت کہ ڈیجیٹل یوتھ ہب مصنوعی ذہانت ءُ پائیدار دیمروئی ءِ ھوالگ ءَ جھان ءِ بحث ءِ تہ ءَ ھم ھاسیں کرد پیلو کنت، چیاکہ اے یک نوکیں ڈیٹا ءِ سر ءَ کار کنوکیں نظام اِنت۔ شریکیں مردماں پاکستان ءِ حکومت ءُ اقوام متحدہ ءِ نیام ءَ کمک ءَ را گیش مھکم کنگ ءِ وتی عزم ءِ پدا زور دات، تانکہ ورنا ھاسیں رنگ ءَ نزوریں گل آناں گیش ءَ چہ گیش موہ پجارینگ بہ بیت۔ چیئرمین ءَ محمد یحییٰ ءَ را اے پلیٹ فارم ءِ تہا اقوام متحدہ ءِ درستیں ادارگ آنی ھوار بوھگ ءِ سروکی ءِ دعوت دات، ءُ یک ٹارگٹ ءِ ایر کت کہ 60 روچ ءِ تہ ءَ درستیں سیادی داروکیں ادارگ رجسٹرڈ کنگ بہ بنت، وھدیکہ کم چہ کم 20 نجی ادارگ ھم 6 ماہ ءِ تہ ءَ ھوار کنگ بہ بنت۔ گند ءُ نند ءِ گڈسرا اے جزم ءِ گوما بوت کہ پاکستان ءِ حکومت ءُ اقوام متحدہ ڈیجیٹل یوتھ ہب ءِ وسیلگ ءَ ورنا آنی توانائی ءَ را یکجائی ءَ کارمرز کن انت۔