مذہبی امور ءِ وفاقی وزیر قاضی القدس فلسطین ڈاکٹر محمود الہباش ءُ مزنیں مفتی شیخ محمد احمد حسین ءَ گند ءُ نند کتگ، ھاسیں جیڈھ آنی سر ءَ گپ ءُ تران

اسلام آباد۔5مئی  (اے پی پی): مذہبی کارانی وفاقی وزیر سردار محمد یوسف ءَ کہ پاکستان ءِ تر ءُ تاب ءَ انت آئی ءَ قاضی القدس فلسطین ڈاکٹر محمود الحباش ءُ پاکستان ءِ تر ءُ تاب ءَ گرینڈ مفتی شیخ محمد احمد حسین ءَ گوں گند ءُ نند کتگ ءُ ھاسیں جیڈھ آنی سر ءَ گپ ءُ تران کتگ۔ وزارت مذہبی امور ءِ جارکش ءِ رد ءَ گند ءُ نند ءَ کوآرڈینیٹر مزن وزیر حافظ طاہر محمود اشرفی، ایڈیشنل سیکرٹری ساجد محمود چوہان، فلسطین ءِ سفیر ڈاکٹر ظہیر محمد ھم ھوار بوتگ اَنت۔ وفاقی وزیر دینی ءَ گوشت کہ وزارت دینی فلسطین ءِ ڈل ءِ آیگ ءَ را نعمت لیک ایت ۔ پاکستان ھما یکیں ملک اِنت کہ آئی ءَ اسرائیل نہ من اِتگ۔ پاکستان ءِ پاسپورٹ ءِ سر ءَ نبشتہ اِنت کہ اسرائیل ءِ تر ءُ تاب ءَ کارمرد کنگ نہ بیت۔ آئی ءَ گوشت کہ مئے مزن وزیر، فیلڈ مارشل ءُ دری کارانی وزیر ءَ غزہ ءَ برجاہیں بربریت ءِ گر ءُ دار ءِ واستہ ھمک رنگ ءِ کوشست کتگ۔ حکومت ءَ یو این او فورم ءَ ہمگرنچیں قراردادانی سرا عمل درآمد ءِ لوٹ کتگ ۔ مئے دل غزہ ءِ اسرائیل ءِ بربریت ءَ چہ رنج انت ءُ ہر پاکستانی ءَ اے گپ ءِ احساس بیت۔ مئے واھگ اِنت بیت المقدس فلسطین ءِ دارالحکومت بہ بیت ءُ ما گوں وتی براتاں مسیت الاقصیٰ ءَ نماز ءَ بہ وانیں۔ فلسطینی قاضی القدس ءَ ھم گوستگیں سیرت کانفرنس ءَ بہر زرتگ۔ آئی ءَ ششمی اسلام ءِ جھان ءِ پیغام کانفرنس ءِ برجم دارگ ءِ پد ءَ حافظ طاہر محمود اشرفی ءَ را مبارک بات دات۔ فلسطینی قاضی القدس ءَ گوشت کہ ستمبر ءَ پاکستان ءِ تر ءُ تاب ءِ ساھت ءَ آئی ءَ را بے دروریں مھر رستگ۔ نوں پدا آیگ مئے مھکمیں سیادی ءِ درشان اِنت۔ لہتیں ہفتگ ءَ پد فلسطین ءِ صدر پاکستان ءَ کیت ایشی ءَ چہ سیادی گیش گہتر بنت ۔ اسرائیل ءَ ھزار سال ءَ پد اولی رند ءَ مسلمان ءُ عیسائیانی مقدسیں جاہ بند کتگ اَنت۔ گرینڈ مفتی شیخ محمد احمد حسین ءَ گوشت کہ امریکہ اسرائیل ءِ سرپرستی ءَ کنگ ءَ اِنت کہ اے مذمت ءِ لائک اِنت۔ آئی ءَ گوشت کہ تئی سروکی ءَ ما زوت پاکستانی الس ءَ را مسیت الاقصیٰ ءِ پیشگاہ ءَ شکر ءِ نوافل ءَ وانگ ءَ گندیں۔