مزن وزیر شہباز شریف ءَ امارات ءَ میزائل ءُ ڈرون اُرشانی مذمت کتگ، جنگ بندی ءِ شرپ ءُ ازت ءِ لوٹ کتگ

اسلام آباد۔5مئی  (اے پی پی):مزن وزیر محمد شہباز شریف ءَ امارات ءَ میزائل ءُ ڈرون اُرشانی تچکیں مذمت کتگ ءُ جنگ بندی ءِ شرپ ءُ ازت ءِ لوٹ کتگ ۔ سئے شمبے ءِ روچ ءَ ’’ایکس‘‘ ءِ سر ءَ وتی کلوہ ءِ تہ ءَ مزن وزیر محمد شہباز شریف ءَ گوشت کہ گوستگیں شپ ءَ امارات ءَ سول انفراسٹرکچر ءِ سر ءَ میزائل ءُ ڈرون اُرش آنی پاکستان ءَ را سک مذمت کنت۔ آئی ءَ امارات ءِ صدر محمد بن زاید النہیان ءِ گوما سرجمی ءَ یکوئی ءِ درشان کت ءُ گوشت کہ اے گرانیں وھد ءَ پاکستان وتی اماراتی برات ءُ گہار آنی ھواری ءَ امارات ءِ حکومت ءِ گوما مھکمیں رنگ ءَ اوشتاتگ۔ آئی ءَ گوشت کہ اے سک باز المی اِنت کہ جنگ بندی برجائی ءُ ایشی ءِ شرپ ءُ ازت کنگ بہ بیت، تانکہ گپ ءُ تران ءِ واستہ المی ئیں سفارتی گنجائش جوڑ کنگ بہ بیت، ایشی ءَ چہ دمگ ءَ دائمی امن ءُ ایمنی ءِ سبب جوڑ بیت۔