صدر ءِ مملکت آصف علی زرداری ءَ اُرش ءِ تہ ءَ مولانا محمد ادریس ترانگزئی ءِ شھید بوھگ ءِ سر ءَ دلپدردی درشان

اسلام آباد۔5مئی  (اے پی پی): صدر ءِ مملکت آصف علی زرداری ءَ چارسڈہ ءَ مولانا محمد ادریس ترنگزی ءِ سر ءَ اُرش ءُ آئی ءِ شہیدی ءِ سر ءَ سک باز دلپدردی ءُ اپسوز ءِ درشان کتگ ۔ سئے شمبے ءِ روچ ءَ صدر ءِ مملکت کارگس ءِ پریس ونگ ءِ رد ءَ صدر ءِ مملکت ءَ وتی دلپدردی بیان ءِ تہ ءَ گوشت کہ اے وڑیں بزدلیں، ناشرکاری ءِ کار راج ءِ حوصلہ ءَ چہ ھلاس کنگ نہ بنت، مھروانیں وطن ءَ چہ ناشرکاری ءَ را سرجمی ءَ ھلاس کنگ ءِ راجی جزم مھکم ءُ بے مٹ اِنت۔ صدر ءِ مملکت ءَ گوشت کہ ناشرکاری ءِ دست مانجنیں  ءِ ھلاپ ءَ بے دروریں کارروائی برجاہ مان اِنت، ملک ءَ امن ءِ جھولا جوڑ کنگ بیت۔ صدر ءِ مملکت آصف علی زرداری ءَ شہید ءِ کھول ءِ گوما دل ءِ جہلانکی ءَ دلپدردی ءِ درشانی کتگ ءُ چہ اللہ تعالیٰ ءَ دعا کتگ کہ آوانی اڑ بُرز بہ کنت ءُ پمیشکیں کھول ءَ صبر ءُ اوپار بہ دنت۔ آئی ءَ اے وئیل ءَ ٹپی بوتگیں پولیس ءِ کارندہ آنی زوت جان سلامتی ءِ واستہ وتی نیکیں واھگ آنی درشانی کتگ۔