مئی ءِ اولی ٹرانس شپمنٹ جہاز گوادر بندرگاہ ءَ لنگر جنت، تجارتی چست ءُ ایرانی تہ ءَ  ترندی

اسلام آباد۔5مئی  (اے پی پی): مئی ءِ اولی ٹرانس شپمنٹ کارگو جہاز ءَ گوادر بندرگاہ ءَ لنگر بستگ کہ بندرگاہ ءَ بیپاری چست ءُ ایر برجاہ انت۔ وفاقی وزیر برائے میری ٹائم جنید انور چوہدری ءَ گوشت کہ ایم وی شو لانگ ءِ نام ءَ جہاز ءِ تہ ءَ 16077میٹرک ٹن کارگو ھوار اِنت۔ دمگ ءِ انوگیں جاور ھال آنی سبب ءَ جہاز گوادر ءِ نیمگ ءَ کشگ بوتگ کہ ایشی ءَ چہ بندر ءِ ارزشت گیش پدر بیت۔ جہاز ءِ برتھنگ ءُ کارگو ہینڈلنگ ءِ عمل تیزی ءَ گوں برجاہ اِنت۔ وفاقی وزیر ءَ گوشت کہ گوادر بندرگاہ ءَ را ایندگر تجارتی راہ آنی تہ ءَ ھاسیں جاگہ ​​رسگ ءَ اِنت، وھدیکہ اپریل ءِ ساھت ءَ ادا 4 ٹرانس شپمنٹ جہاز آنی آیگ ریکارڈ کنگ بوتگ۔ آئی ءَ گیش گوشت کہ دمگی دریائی جاور ھال آنی رد ءَ گوادر ءِ اسٹریٹجک ارزشت مدام گیش بوھگ ءَ اِنت ءُ اے بندرگاہ جھان ءِ تجارت ءِ واستہ معتبریں مرکز جوڑ بوھگ ءَ اِنت۔