نائب مزن وزیر محمد اسحاق ڈار ءَ ناروے ءِ نائب دری کارانی وزیر آندریاس موٹزفیلٹ  کراک ءَ گوں گند ءُ نند کتگ ، دمگی جاور ھال آنی سر ءَ گپ ءُ تران کتگ

اسلام آباد۔4مئی  (اے پی پی): نائب مزن وزیر ءُ درئی کارانی وزیر سٹروملا محمد اسحاق ڈار ءَ ناروے ءِ درئی کارانی نائب وزیر آندریاس موٹزفیلٹ  کراک ءَ گوں درئی کارانی وزارت ءَ گند ءُ نند کتگ۔ گند ءُ نند ءِ تہا دمگ ءِ بدل بوؤکیں جاورحالانی سرا گپ ءُ تران کنگ بوت۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر ءَ پڑ ءُ ایشی ءَ چہ دریں امن ءُ ایمنی ءِ دیمروئی ءِ واستہ رابطہ ءُ گپ ءُ تران ءِ برجاہ دارگ ءِ واستہ پاکستان ءِ کوشست آنی سر ءَ زور پر دات۔ ناروے ءِ درئی کارانی وزیر ءَ پاکستان ءِ جوڑیشت ءِ کرد ءِ سر ءَ زور پر دات ءُ جیڈھ ءِ پرامن ءُ برجمیں گیواری ءِ واستہ برجاھیں کوشست آنی سر ءَ زور پر دات۔ دوئیں نیمگ ءَ وت مہ وتی دلچسپی ءِ جتا جتائیں پڑ آنی تہ ءَ دو نیمگی یکوئی ءَ را گیش مھکم کنگ ءُ کمک ءَ را گیش کنگ ءِ امکانات آنی سر ءَ ھم چار ءُ تپاسی کت۔ ناروے ءِ دری کارانی وزیر ءَ نائب مزن وزیر ءُ دری کارانی وزیر ءَ را آیوکیں ماہ ءَ برجم دارگ بوھوکیں اوسلو فورم ءَ بھر زوری ءِ دعوت ھم داتگ۔ دری کارانی وزیر محمد اسحاق ڈار ءَ دعوت ءِ سر ءَ آئی ءِ شگر ءُ منت گپت۔ دوئیں راہشون آں وت مہ وتی جیڈھ ءُ امن، برجائی ءُ دیمروئی ءِ ھوالگ ءَ جیڈھ آنی سر ءَ رابطہ ءِ تہ ءَ برجم دارگ ءِ سر ءَ تپاک کتگ۔