اسلام آباد۔4مئی (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں ایران ءِ درئی کارانی وزیر سید عباس عراقچی ءَ گوستگیں شپ ءَ فون ءِ سر ءَ گپ ءُ تران کتگ۔ دوشمبے ءِ روچ ءَ دری کارانی وزارت ءِ نیمگ ءَ جاڑی بوتگیں بیان ءِ رد ءَ دوئیں راہشون آنی نیام ءَ امن ءُ ایمنی ءِ واستہ پاکستان ءِ جاری سفارتی کوشست آنی …
نائب مزن وزیر محمد اسحاق ڈار ءَ گوں ایران ءِ درئی کارانی وزیر سید عباس عراقچی ءَ فون ءِ سرا گپ ءُ تران
گیشتریں ھال
اسلام آباد۔4مئی (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں ایران ءِ درئی کارانی وزیر سید عباس عراقچی ءَ گوستگیں شپ ءَ فون ءِ سر ءَ گپ ءُ تران کتگ۔ دوشمبے ءِ روچ ءَ دری کارانی وزارت ءِ نیمگ ءَ جاڑی بوتگیں بیان ءِ رد ءَ دوئیں راہشون آنی نیام ءَ امن ءُ ایمنی ءِ واستہ پاکستان ءِ جاری سفارتی کوشست آنی سر ءَ گپ ءُ تران بوتگ۔ ایران ءِ دری کارانی وزیر عباس عراقچی ءَ پاکستان ءِ جوڑیشت ءِ کرد ءُ فریق آنی نیام ءَ ساپ دلیں میانجی داری ءِ کوشست آناں ساڑات۔ نائب مزن وزیر ءُ دری کارانی وزیر سینیٹر محمد اسحاق ڈار ءَ پاکستان ءِ تعمیری سیادی ءِ دیمروئی ءِ واستہ وتی کوشست آناں برجاہ دارگ ءِ عزم ءِ سر ءَ زور پر دات ءُ اے گپ ءِ سر ءَ زور پر دات کہ گپ ءُ تران ءُ سفارتکاری جیڈھ آنی پرامن گیواری ءُ دمگ ءُ دگنیا ءَ برجمیں امن ءُ ایمنی ءِ ھاترا یکیں زندگ داروکیں راہ اِنت۔
