اسپیکر راجی اسمبلی ءَ پشاور زلمی ءَ را مبارک بات داتگ

اسلام آباد۔4مئی  (اے پی پی): راجی اسمبلی ءِ اسپیکر سردار ایاز صادق ءَ پشاور زلمی ءَ را یانزدہمی پاکستان سپر لیگ ءِ فائنل ءِ سوبمندی ءِ پد ءَ مبارک بات داتگ۔ آئی ءَ وتی مبارکیں کلوہ ءِ تہ ءَ پی سی بی ءِ چیئرمین محسن نقوی ءُ کرکٹ بورڈ انتظامیہ ءَ را ٹورنامنٹ ءِ جوانیں رنگ ءَ برجم دارگ ءِ سر ءَ مبارک بات داتگ ءُ گوشت کہ پشاور زلمی ءَ جوانیں اسپورٹس مین شپ، ٹیم ورک ءُ جذبہ ءِ گوما سوبمندی رستگ۔ اے سوبمندی ءِ سبب ءَ کھڈکارانی محنت، نظم ءُ ضبط ءُ پیشہ وارانہ لیکہ ءِ گواہی انت۔ راجی ءُ میاں اوستمانی تک ءَ پاکستان ءِ جوانیں امیج ءَ را پدر کنگ ءَ اسپورٹس ءِ ھاسیں کرد انت۔ پشاور زلمی ءِ سوبمندی ورنائیں کھڈکارانی محنت ءِ آسر اِنت۔ کھلاڑیانی مستقل مزاجی ءُ جوانیں کارکردگی ستا کرز انت۔ قومی اسمبلی ءِ اسپیکر ءَ پشاور زلمی ءِ کھڈکار ءُ پی سی بی انتظامی ءِ واستہ نیکیں واھگ ءِ درشان کت ءُ گوشت کہ پاکستان ءَ کرکٹ ءُ ٹیلنٹ ءِ دیمروئی ءِ واستہ پی ایس ایل ءِ نرسری ءِ بستار ءَ سک باز المی انت۔ راجی اسمبلی ءِ صدر ءَ پی ایس ایل ءِ توامیں ٹیم آنی کارکردگی ساڑاتگ ءُ گوشت کہ پاکستان ءِ ورنائیں لیب کنوک آنی تہ ءَ جوانیں ٹیلنٹ است انت۔ مئے ورنا آں درستیں پڑاں وتی سرجمیں صلاحیت ءِ درشان کتگ۔ اسپیکر ءَ ٹیم ءِ انتظامیہ، کوچنگ اسٹاف ءُ سپورٹ اسٹاف ءَ را جوانیں بندوبست ءِ ھاتر ءَ خراج تحسین پیش کت۔