نائب مزن وزیر اسحاق ڈار، اردن ءِ نائب مزن وزیر ءَ ٹیلی فون ءِ سر ءَ گپ ءُ تران کتگ، نزیکیں رابطہ ءِ برجم دارگ ءِ سر ءَ تپاک

اسلام آباد۔3مئی  (اے پی پی): اردن ءِ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں ٹیلی فون ءِ سر ءَ گپ ءُ تران کت۔ یک شمبے ءِ روچ ءَ وزارت ءِ درئی کار آنی نیمگ ءَ چہ جاڑی بوتگیں بیان ءِ رد ءَ اردن ءِ نائب مزن وزیر ءُ دری کارانی وزیر ءَ پاکستان ءِ جوانیں کرد ءُ امن، گپ ءُ تران ءُ دمگی برجائی ءِ واستہ برجاھیں کوشست آناں پڑ ءَ برجاھیں جیڈھ آنی رد ءَ ساڑات۔ نائب مزن وزیر ءُ دری کارانی وزیر سینیٹر محمد اسحاق ڈار ءَ پاکستان ءِ سرجمیں فریق آنی نیام ءَ جوانیں سیادی آناں دیمروئی دیگ ءِ وسیلگ ءَ استحکام ءِ برجائی ءُ سفارتکاری ءُ مذاکرات ءِ وسیلگ ءَ جیڈھ آناں پرامن گیواری ءِ واستہ پاکستان ءِ عزم ءِ سر ءَ زور پر دات۔ دوئیں رہشوناں پاکستان ءُ اردن ءِ نیام ءَ مھکمیں دو نیمگی سیادی ءِ ارزشت ءِ سر ءَ زور پر دات ءُ دو نیمگی ءُ کثیر نیمگی فورم آنی تہ ءَ کمک ءِ برجاہ دارگ ءِ واستہ وتی عزم ءِ سر ءَ پدا زور دات۔ آؤکیں وھد ءَ ھم نزیکیں رابطہ ءَ دارگ ءِ سر ءَ تپاک کتگ۔