جمہوری استحکام ءِ واستہ آزات، ایمن ءُ ذمہ واریں صحافت المی انت، سردار ایاز صادق

اسلام آباد۔3مئی  (اے پی پی): راجی اسمبلی ءِ اسپیکر سردار ایاز صادق ءَ راستی ءِ جہد ءِ وھد ءَ راستی آنی بنیاد ءَ جوانیں رپورٹنگ ءِ ھاتر ءَ اھوالکار براتی ءَ را ستا کنان ءَ گوشت کہ جمہوری استحکام ءِ واستہ آزات، ایمن ءُ ذمہ واریں اھوالکاری المی اِنت۔ یک شمبے ءِ روچ ءَ پریس ءِ آجوئی ءِ جھان ءِ روچ ءَ وتی کلوہ ءِ تہ ءَ آئی ءَ گوشت کہ اھوالکار وھد ءِ سر ءَ راستیں ھال پجاری ءَ چہ شفافیت ءُ احتساب ءَ را دل یکیمی کن اَنت، جمہوریت ءِ مھکمی ءُ الس ءِ سرپدی ءِ واستہ پریس ءِ آجوئی المی اِنت۔ آئی ءَ ھما اھوالکار آناں شگر ءُ منت درشان کت کہ آھاں وتی پیشہ وارانہ فرض آنی پیلو کنگ ءَ وتی سر ندر کتگ ءُ گوشت کہ پاکستان ءِ آئین ءَ لبز ءِ درشان ءِ سرجمیں ضمانت داتگ۔ آئی ءَ گوشت کہ ڈیجیٹل دور ءَ ردیں ھال آنی ھلاپ ءَ جنگ ءِ واستہ ذمہ واریں اھوالکاری ءِ ارزشت گیش بوتگ، راجی مفاد ءُ چاگردی ھمگرنچی ءِ واستہ حقیقت ءِ سر ءَ بنیات ءِ رپورٹنگ المی اِنت، میڈیا ءِ آجوئی ءُ اھوالکار آنی رکھینگ ءِ واستہ موثر کانود جوڑ کنگ ءِ واستہ جزم اِنت۔ اسپیکر راجی اسمبلی ءَ گوشت کہ اھوالکار آنی واستہ یک ایمنیں چاگرد ءِ پھجارینگ المی اِنت، ءُ نا تصدیق بوتگیں ھال آنی شنگ ءُ تالان بوھگ ءِ ھلاپ ءَ جنگ ءِ واستہ پٹ ءُ پولی اھوالکاری ءَ را دیمروئی دیگ لوٹ ایت۔