وفاقی وزیر ڈاکٹر طارق فضل چوہدری ءَ رسانکدر ءِ آجوئی ءِ جھان ءِ روچ ءِ درگت ءَ سرجمیں ملک ءَ اھوالکار آناں   توسیپ ءُ ستا

اسلام آباد۔3مئی  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ سرجمیں ملک ءَ اھوالکار، ایڈیٹر ءُ سرجمیں میڈیا ءِ پیشہ ور آناں جھان ءِ پریس ءِ آجوئی ءِ روچ ءِ موہ ءَ شگر ءُ منت درشان کنان ءَ گوشت کہ یک ذمہ وار ءُ آجوئیں پریس ءِ جمہوریت ءِ تہ ءَ شفافیت ءِ دیمروئی ءِ تہ ءَ کلیدی کرد پیلو کنت۔ یک شمبے ءِ روچ ءَ ایکس ءِ سر ءَ پوسٹ کنان ءَ وفاقی وزیر ءَ گوشت کہ مئے یکجائی ذمہ واری اِنت کہ اھوالکار آناں یک ایمن ءُ سازگاریں چاگرد ءِ پھجارینگ بہ بیت تانکہ آ وتی پیشہ وارانہ ذمہ واری آناں بے ترس ءُ بے ایمنی ءَ پیلو بہ کن اَنت۔ ما وتی عزم ءِ پدا پدر کنیں کہ آ اظہار ءِ آزادی ءِ اصولانی رکھینگ ءُ صحافتی قدر ءُ قیمتانی دیمروئی ءَ بہ کنت۔ آئی ءَ گوشت کہ مرچیگیں روچ مارا یات ءَ دنت کہ راستی، بے رھبند ءُ ذمہ واری احوالکاری ءِ بن ھشت انت۔ مارا یک انچیں چاگردے ءِ جوڑ کنگ ءِ ھاترا یکجاہ کار کنگی اِنت کہ اودا زانتکاری ءِ رسگ ھر یک مردمے ءِ ھک بہ بیت ءُ اھوالکاری راج ءِ توار ءِ بستار ءَ دیم ءَ کیت۔ وفاقی وزیر ءَ سرجمیں صحافی کمیونٹی ءَ را سلام ءِ لوٹ کتگ۔