پیداوار ءَ را گیش کنگ ءِ ھاترا ڈیری پروڈکٹس ءِ سرا ٹیکس کم کنگ بہ بنت، جی ایس ٹی ءِ نرمی ءَ چہ ڈیری ءِ شوبگ ءَ را مھکم کنگ بوت کنت، وفاقی وزیر رانا تنویر حسین

اسلام آباد۔3مئی  (اے پی پی): راجی وردن ءِ سلامتی ءِ وفاقی وزیر رانا تنویر حسین ءَ ھشدار داتگ کہ پاکستان ءَ ڈیری سیکٹر ءِ سر ءَ نا متوازن ٹیکس ءِ نظام نہ ایوک ءَ اے صنعت ءِ دیمروئی ءِ تہ ءَ رکاوٹ جوڑ بوھگ ءَ اِنت بلکیں فوڈ سیکیورٹی ءُ زھگانی دیمروئی ءِ وڑیں سنگینیں جیڈھ ھم گیش بوھگ ءَ اَنت۔ انوگیں ٹیکس پالیسی آنی آسر ءَ باقاعدہ ڈیری سیکٹر کم بوھگ ءَ اِنت، میتگ ءِ تک ءَ شیر ءِ جم کنگ ءِ مراگش بند بوھگ ءَ اَنت ءُ ایمنیں شیر ءِ سر ءَ الس ءِ رسائی کم بوھگ ءَ اِنت، ایشی ءِ واستہ سرمایہ کاری ءِ دیمروئی ءِ وڑیں جامع پالیسی ءُ گامگیج وھد ءِ ضلورت اِنت۔ پالیسی انسٹی ٹیوٹ فار سسٹینبل ڈویلپمنٹ ءُ پاکستان ڈیری ایسوسی ایشن ءِ نیمگ ءَ برجم داشتگیں پری بجٹ ءِ مشاورتی دیوان ءَ ماہرین، پالیسی ساز ءُ صنعت ءِ نمائندگاں اے گپ ءِ سر ءَ زور پر دات کہ شیر ءَ را بنیاتی وردن ءِ ضلورت ءِ رنگ ءَ منگ، ایشی ءِ سر ءَ ایر کنگ بوتگیں 18درسد جی ایس ٹی ءِ تہ ءَ مزنیں کساسے ءَ کمی، ڈیری ءِ ڈھانچہ ءِ تہ ءَ اصلاحات ءِ تہ ءَ میڈیٹک گامگیج ءِ تہ ءَ اصلاحات کنگ بوھگ ءَ اِنت۔ محفوظ ءُ کوالٹی ءِ شیر ءِ رسگ ءِ ھاترا المی اِنت۔ مشاورتی دیوان ءَ گوں تران کنان ءَ رانا تنویر حسین ءَ گوشت کہ لائیو اسٹاک ءِ شوبگ ءِ تہ ءَ زرعی معیشت ءِ تہ ءَ 60درسد ءِ کساس ھوار اِنت ءُ ایشی ءِ تہ ءَ ملک ءِ وردن ءُ وراک ءِ ضلورت آناں پیلو کنگ ءِ واستہ بے دروریں گنجائش است اِنت۔ آئی ءَ گوشت کہ ٹیکس پالیشی ھاسیں رنگ ءَ ڈیری پروڈکٹس آنی سر ءَ سیلز ٹیکس ءِ سبب ءَ پیداوار ءُ دیمروئی ءَ را متاثر کتگ۔ شیر ءِ سر ءَ جنرل سیلز ٹیکس ءِ تہ ءَ کمی کنگ گرانیں جیڑھے نہ اِنت، ٹیکس ءِ نظام ءَ را نرم کنگ ءَ چہ پیداوار ءُ آمدنی دوئیں تہ ءَ گیشی بوت کنت ءُ اے درگت ءَ جتاجتائیں تجویز چار ءُ تپاسی ءِ تہ ءَ اَنت۔ ایس ڈی پی آئی ءِ ایسوسی ایٹ ریسرچ فیلو ءُ ماحولیاتی پائیداری ءُ سرکلر اکانومی یونٹ ءِ سروک زینب نعیم ءَ گوشت کہ شیر ءَ را یک عیش ءُ عشرت ءِ رنگ ءَ نہ چارگ بہ بیت بلکیں یک بنیاتی غذائیت ءِ ضلورت ءِ رنگ ءَ چارگ بہ بیت ءُ کم ءُ میان استمانی گل آنی واستہ ایشی ءِ دستیابی ءُ سستی ءَ را گہتر کنگ ءِ واستہ حکمت عملی جوڑ کنگ بہ بیت۔ آئی ءَ گوشت کہ اے شور ءُ سلاھ ءِ مول ءُ مراد حکومت، نجی شوبگ ءُ سول سوسائٹی ءَ را یک پلیٹ فارم ءِ سر ءَ آرگ اِنت تانکہ فوڈ سیکیورٹی ءِ جیڈھ ءِ گیواری ءِ شوھازگ ءُ ڈیری شوبگ ءَ را غذائیت ءِ گوما ھمگرنچ کنگ بہ بیت۔ پاکستان ڈیری ایسوسی ایشن ءِ چیئرمین عثمان زہیر احمد ءَ گشتگ کہ پاکستان ءَ 40درسد زھگ نادراہی ءِ سبب ءَ سٹنٹنگ ءِ آماچ انت۔ آئی ءَ گوشت کہ اے شوبگ 98درسد غیر رسمی اِنت ءُ 2024 ءَ 18درسد جی ایس ٹی ءِ سر ءَ عمل کنگ ءَ گوں باقاعدہ ڈیری شوبگ 27درسد ءَ چہ کم بوتگ۔ آئی ءَ سوج دات کہ جی ایس ٹی ءَ را 10درسد ءَ کم کنگ بہ بیت ءُ غیر رسمی معیشت ءِ یک بہرے ٹیکس نیٹ ءَ آرگ بہ بیت ایشی ءَ چہ 250ارب کلدار ءَ تاں آمدنی پیداک بوت کنت۔ گلوبل الائنس فار امپروڈ نیوٹریشن ءِ کنٹری ڈائریکٹر فرح ناز ءَ گوشت کہ نادراھی ءِ سبب ءَ پاکستان ءَ را سالانہ جی ڈی پی ءِ تہ ءَ 3درسد ءِ کساس ءَ ھرچ ءُ درچ بوھگ ءَ اِنت وھدے کہ پنچ سال ءَ کم عمریں زھگ آنی تہ ءَ 40درسد ءَ چہ گیش زھگ ءِ زند ءِ ھال ءُ اھوال ءِ ھال اِنت۔ آئی ءَ گوشت کہ سیف میلک ءِ ھرچ ءُ درچ ءَ را کم کنگ ءِ واستہ جی ایس ٹی 18درسد ءَ چہ 5درسد ءَ کم کنگ بہ بیت۔ وزارت خزانہ بزنس ٹیکسیشن آفس ءِ ڈائریکٹر نعیم حسن ءَ گوشت کہ ایس ڈی پی آئی ءُ پاکستان ڈیری ایسوسی ایشن ءِ نیمگ ءَ پیش کنگ بوتگیں تجویز بوت کنت ءُ عقلمند انت ءُ حکومت جتا جتائیں آپشن آنی سر ءَ چار ءُ تپاسی کنگ ءَ انت۔ اے موہ ءِ سر ءَ ھاسیں سرمایہ کاری ءِ آسراتی کونسل ءِ ایڈیشنل سیکرٹری ساجد محمود قاضی ءَ ٹیکس ءِ نظام ءِ ڈھانچہ ءِ نزوری آنی سر ءَ دلگوشی دات ءُ گوشت کہ دستاویزی شوبگ ءِ سر ءَ گیش ءَ چہ گیش انحصار رسمی کاروبار آناں تاوان دیگ ءَ اِنت ءُ ڈیری انڈسٹری ءَ ٹیکس ءِ آمدنی ءَ را کمی ءِ سبب جوڑ بوھگ ءَ اِنت۔ مزن وزیر ءِ کارگس ءِ سرمایہ کاری بورڈ ءِ نمائندہ ایمان فاطمہ ءَ گوشت کہ ریگولیٹری پیچیدگی ڈیری فارمنگ ءِ تہ ءَ نوکیں سرمایہ کار آنی دیم ءَ رکاوٹ اِنت، وھدیکہ 18درسد جی ایس ٹی ءَ اے شوبگ ءِ دیمروئی ءَ را گیش سست کتگ۔ اقوام متحدہ ءِ فوڈ اینڈ ایگریکلچر آرگنائزیشن ءِ ماہر ڈاکٹر احتشام خان ءَ راجمانی جان سلامتی ءِ بابت ءَ جیڑہ درشان کتگ ءُ گشتگ کہ خام شیر ءَ باز براں نادراہی ءِ وردن ءُ کوالٹی ٹیسٹنگ ءِ نہ بوھگ ءِ سبب ءَ زیانکاریں مائیکرو ٹاکسن ءِ آماچ بوھگ ءَ انت کہ اے جان سلامتی ءِ جیڑہاں گیش کنگ ءَ انت۔ ڈاکٹر ساجد امین جاوید، ڈپٹی ایگزیکٹو ڈائریکٹر (پٹ ءُ پول)، ایس ڈی پی آئی ءَ وتی گڈی گپ ءِ تہ ءَ گوشت کہ یک جامع ءُ دراجیں مدتی پالیسی ءِ چار ءُ تپاسی ءِ ضلورت اِنت کہ مالی، جان سلامتی ءُ میتگ ءِ دیمروئی ءِ رھبند آناں یکجا بہ کنت۔ آئی ءَ نجی شوبگ ءِ سرمایہ کاری ءِ دلبڈی دیگ ءُ کسانیں کشت ءُ کشاری آناں مارکیٹ آنی گوما یکجا کنگ ءِ واستہ باہمی کمک ءِ ماڈل آناں دیمروئی دیگ ءِ ضلورت ءِ سر ءَ زور پر دات۔