صحافی لس مہلوک ءِ سرپدی ءِ تہا ھاسیں کرد پیلو کن انت، پیپلز پارٹی صحافی ءِ حقانی رکھینگ ءِ وتی عزم ءِ سرا مھکم انت، سینیٹر شیری رحمان

اسلام آباد۔3مئی  (اے پی پی): پیپلز پارٹی ءِ نائب صدر سینیٹر شیری رحمان ءَ الس ءِ سرپدی ءُ احتساب ءِ تہ ءَ اھوالکار آنی ھاسیں کرد ءِ منگ ءَ گوشت کہ پیپلز پارٹی اھوالکار آنی ھک آنی رکھینگ ءِ واستہ وتی عزم ءِ سر ءَ مھکم اِنت۔ جہانی پریس ءِ آجوئی ءِ روچ ءِ موہ ءَ وتی کلوہ ءِ تہ ءَ سینیٹر شیری رحمان ءَ گوشت کہ جمہوریت ءَ را مھکم کنگ، الس ءِ سرپدی ءَ را گیش کنگ، احتساب ءَ را دل یکیمی کنگ ءُ راستی ءِ سر ءَ بنیات ءِ سر ءَ حکومت داری ءِ مستریں کنٹگ اھوالکاری اِنت۔ آئی ءَ گوشت کہ شھید بے نظیر بھٹو، صدر آصف علی زرداری ءُ بلاول بھٹو زرداری مدام اھوالکار کمیونٹی ءِ کمک کنوک بوتگ انت ءُ مدام ایراد ءِ وھد ءَ آھاں وتی توار چست کتگ۔ آئی ءَ گوشت کہ پیپلز پارٹی پریس ءِ آجوئی، آزات ءُ حقیقت ءِ سر ءَ بنیات ءِ سر ءَ صحافت ءِ وکالت ءِ واستہ مھکمیں رنگ ءَ اوشتاتگ ءُ سرجمیں ملک ءَ احوالکار آنی ھک ءُ شرپ ءِ رکھینگ ءِ واستہ جزم انت۔ پیپلز پارٹی ءَ مدام آزات ءُ شفافیں صحافت ءِ دیمروئی کتگ ۔ آئی ءَ اے گپ ءِ سر ءَ زور پر دات کہ اے روچ ءِ دارگ ءِ مول ءُ مراد احوالکاری ءِ ارزشت ءُ چاگرد ءِ تہ ءَ آئی ءِ کرد ءِ پجّار کنگ اِنت۔ آئی ءَ گوشت کہ اھوالکار کمیونٹی ءِ دیم ءَ چیلنج آنی سر ءَ زوت دلگوشی ءُ یکجائی گامگیج ءِ ضلورت اِنت۔ آئی ءَ گوشت کہ آھانی جیڈھ آنی گیواری ءُ میڈیا ءِ پیشہ ور آنی واستہ ایمن، آجو ءُ سازگاریں چاگرد ءِ پجارینگ ءِ واستہ عملی گامگیج چست کنگ لوٹ ایت۔