کراچی بندرگاہ 74 ہزار ٹن  کارگو ہینڈل کنت، 19 جہاز ءِ آیگ ءِ گمان انت، محمد جنید انور چوہدری

اسلام آباد۔3مئی  (اے پی پی): وفاقی وزیر برائے میری ٹائم محمد جنید انور چوہدری ءَ کراچی پورٹ ٹرسٹ ءِ سرجمیں کارکردگی ءِ سر ءَ دل یکیمی ءِ درشان کتگ ءُ گوشت کہ پورٹ ءَ تجارتی چست ءُ ایر گوں ترندی ءَ برجاہ اَنت ءُ رسد ءِ شوبگ مھکم بوھگ ءَ اِنت۔ یک شمبے ءِ روچ ءَ وزارت بحری امور ءِ نیمگ ءَ جاڑی بوتگیں بیان ءِ تہ ءَ محمد جنید انور چوہدری ءَ گوشت کہ کراچی بندرگاہ ءَ 19 جہاز آنی آیگ ءُ یک جہاز ءِ روگ ءِ جار جنگ بوتگ ایشی ءَ چہ اودا برجاھیں بحری کاروائی آنی درشان اِنت۔ آئی ءَ گوشت کہ گوستگیں 24کلاک آنی تہ ءَ 74ہزار 603میٹرک ٹن کارگو ءِ دیم ءَ آرگ بوتگ کہ اے بندرگاہ ءِ جوانیں کارکردگی ءِ ثبوت اِنت۔ محمد جنید انور چوہدری ءَ گوشت کہ کنٹینر ءِ تہ ءَ ھواریں کارگو ءِ سر ءَ 45171ٹن ءِ کلیں حجم ریکارڈ کنگ بوتگ ایشی ءِ تہ ءَ 19303ٹن درآمد ءُ 25868ٹن برآمد کنگ بوتگ۔ ھمے رنگ ءَ بلک کارگو ءِ حجم 11944ٹن بوتگ وھدیکہ کلنکر ءِ برآمد 6114ٹن ءَ سر بوتگ۔ وزیر برائے سمندری امور ءَ گوشت کہ مائع کارگو ءِ ہینڈلنگ ھم 10ہزار 352ٹن ءِ سر ءَ بوتگ ایشی ءَ چہ توانائی ءِ سپلائی چین ءِ تہ ءَ گہتری ءِ درشان اِنت۔ آئی ءِ رد ءَ اے وھد ءَ 14 جہاز کراچی بندرگاہ ءَ لنگر بند بوتگ ءُ 7 جہاز رھادگ بوتگ اَنت، جتاجتائیں سامان آنی سر کنگ ءِ کار برجاہ اِنت۔ آئی ءَ گوشت کہ جہاز آنی برجاھیں روگ ءُ آیگ پاکستان ءِ دریائی تجارت ءِ تہ ءَ گہتری ءُ اقتصادی کار آنی تہ ءَ دیمروئی ءِ یک ھاسیں نشانی اِنت، کراچی بندرگاہ اے رد ءَ کلیدی کرد پیلو کنگ ءَ اِنت۔