صحافی ہندوستانی رسانکدر ءِ ردیں ھالاں رد کن اَنت، معرکہ حق‘ ءِ سر ءَ سلاہ بندیں اُرد ءِ ستا ءَ کن اَنت

اسلام آباد۔3مئی  (اے پی پی): راستی ءِ جنگ ءِ روچ (معرکہ حق) ءِ توسیپ کنان ءَ اھوالکارانی چاگرد ءَ ھندی رسانکدر ءِ ردیں ھال رد کتگ، پاکستانی سلاہ بندیں اُرد ءِ مھکمیں پسو ءِ توسیپ کتگ ءُ پاکستانی رسانکدر ءِ ھم ستا کرتگ کہ آ یک جوڑیشت ءِ راجی پجار ءَ را میاں اوستمانی تک ءَ دیم ءَ برگ ءَ اِنت۔ جتا جتائیں میڈیا چینل آنی گوما شیئر کتگیں ویڈیو کلوہ ءِ تہ ءَ جتا جتائیں پڑ آنی اھوالکار آناں راستی ءِ جنگ ءِ روچ ءِ سر ءَ پاکستان ءِ مھکمیں پسو ءِ توسیپ کتگ ءُ جاور ھال آنی دیم ءَ دارگ ءِ واستہ آئی ءِ مھکمیں موقف ءُ پیشہ وارانہ رھبند ءِ ھم توسیپ کتگ۔ آئی ءَ گوشت کہ پاکستان ءِ پسہ راجی یکوئی ءُ جزم ءِ درشان انت، وھدیکہ یک ھاسیں ءُ جوانیں بیانیہ ءِ پیش کنگ ءَ میڈیا ءِ کرد ھم ستا کرز انت۔ سینئر اھوالکار وسیم بادامی ءَ گوشت کہ راستی ءِ جھد ءِ روچ ءِ سر ءَ پاکستان ءِ مھکم ءُ یکوئی ءِ پسو راجی جزم ءِ درشان اِنت، ملک ءِ بیانیہ ءُ شرپ ءِ رکھینگ ءِ تہ ءَ پیشہ وارانہ ، دلیری ءُ مھکمیں موقف ءِ سر ءَ سلاہ بندیں اُرد آناں شرپ ءُ شان ءِ درشان کنگ ءَ اِنت۔ آئی ءَ بھارتی پروپیگنڈا ءِ ھم حوالہ داتگ ءُ گوشت کہ ردیں ھالانی شنگ کنگ ءِ کوشست آنی باوجود پاکستان ءِ رسانکدر وتی ھک ءَ برجاہ داشتگ ءُ راستیں ھال ءُ اھوال ءِ شنگ کنگ ءَ برجاہ اِنت۔ پاکستانی میڈیا ءَ حقیقت ءِ سرا مبنی کوریج ءِ ھاتر ءَ تابکاری ءُ عزم ءِ درشان کتگ۔ صحافی مجیب الرحمان ءَ میڈیا ءِ ذمہ واری ءِ ارزشت ءَ را من اِتگ ءُ گوشت کہ راستیں رپورٹنگ راجی یکوئی ءَ را مھکم کنت ءُ ردیں ھال آنی جوانیں رنگ ءَ گر ءُ دار کنگ ءَ کمک کنت۔ آئی ءَ بھارت ءِ ھلاپ ءَ پاکستان ءِ مھکمیں پسو ءِ توسیپ کت ءُ گوشت کہ پاکستان ءَ منفی بیانیہ آناں پدر کتگ ءُ میاں اوستمانی تک ءَ ملک ءِ پوزیشن ءَ را ھاسیں ءُ دلجمی ءِ گوما مھکم کتگ۔ سینئر اھوالکار حامد میر ءَ گوشت کہ اے جاور ھال رسانکدر ءِ زمہ واری ءِ ارزشت ءَ را پدر کنت۔ آئی ءَ پاک فضائیہ ءِ کارندہ آناں سلامی دات ءُ ملک ءِ رکھینگ ءِ تہ ءَ جوانیں رنگ ءَ ملک ءِ رکھینگ ءِ تہ ءَ پیشہ وارانہ ، لگن ءُ دلیری ءَ را ساڑات۔ یک زالبولیں اھوالکارے ءَ گوشت کہ حق ءِ روچ ءِ جنگ ءِ برجم دارگ راجی ھیال ءُ لیکہ ءِ ساھت اِنت، یکوئی ءُ ذمہ واریں اھوالکاری ءِ ردیں ھال آنی ھلاپ ءَ ملک ءِ موقف ءَ را مھکم کنگ ءِ تہ ءَ کلیدی کرد پیلو کنت ءُ سلاہ بندیں اُرد آنی نظم و ضبط ءِ پسو ءِ ھم ستا کرتگ۔ آئی ءَ گوشت کہ اے موہ ءَ پاکستان ءِ اجتماعی طاقت ءَ را پدر کنگ بیت، حقیقت پسندانہ رپورٹنگ ءُ ادارگی ہم آہنگی ءَ یک جوانیں راجی پجار ءِ پیش کنگ ءَ کمک کتگ۔ آئی ءَ پاک فضائیہ ءِ پیشہ وارانہ ءُ جزم ءَ را ھم شگر ءُ منت درشان کت۔ گُڈسر ءَ اھوالکاراں ھندی پلیٹ فارمز ءِ نیمگ ءَ پاکستانی رسانکدر ءِ سر ءَ ایر کنگ بوتگیں بندش ءِ سر ءَ ایراد گپتگ ءُ گْوشتگ کہ اے وڑیں بندش راستی ءِ توار ءَ سرپد نہ کن اَنت ءُ نہ کہ اھوالکارانی گوں ھاسیں ءُ زمہ واری ءَ راستی ءِ شنگ کنگ ءِ توانائی ءَ را تاوان دنت۔