مزن وزیر شہباز شریف ءَ مسلم لیگ ن ءِ سروک محمد نواز شریف ءَ گوں گند ءُ نند کت، آئی ءَ را ملک ءِ جاور ھال، میان اُستمانی تک ءَ امن ءِ واستہ پاکستان ءِ کوشست، پٹرولیم ءِ نھاد ءُ لس ریلیف ءِ واستہ حکومت ءِ گامگیج آنی سر ءَ دلجمی

لاہور۔3مئی  (اے پی پی): مزن وزیر محمد شہباز شریف ءَ مسلم لیگ ن ءِ سروک میان محمد نواز شریف ءَ گوں گند ءُ نند کتگ ءُ ملک ءِ جاور ھال، میاں اوستمانی تک ءَ امن ءِ واستہ پاکستان ءِ کوشست، پٹرولیم ءِ نھاد ءُ لس ریلیف ءِ واستہ حکومت ءِ گامگیج آنی بابت ءَ آئی ءَ را دلجم کتگ۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر محمد شہباز شریف ءَ یک شمبے ءِ روچ ءَ جاتی عمرہ ءَ ن لیگ ءِ سروک ءُ پیسریگیں مزن وزیر میان محمد نواز شریف ءَ گوں گند ءُ نند کتگ، ایشی ءِ تہ ءَ آئی ءَ ن لیگ ءِ سروک ءَ را ملک ءِ جاور ھال آنی بابت ءَ سرپدی داتگ۔ مزن وزیر ءَ آئی ءَ را میاں اوستمانی تک ءِ جاور ھال ءُ امن ءِ واستہ پاکستان ءِ کوشست آنی بابت ءَ ھم سرپد کت۔ آئی ءَ میان نواز شریف ءَ را میاں اوستمانی مارکیٹ ءَ تیل ءِ نرخ ءُ لس کمک ءِ واستہ حکومت ءِ گامگیج آنی سر ءَ ھم اعتماد ءِ تہ ءَ زرتگ۔ گند ءُ نند ءَ ملک ءِ سیاسی جاورانی سرا ہم گپ ءُ تران بوتگ ۔ گند ءُ نند ءَ پنجاب ءِ سر وزیر مریم نواز شریف ھم ساڑی ات۔