پریس ءِ آجوئی ءِ جھان ءِ روچ ءِ سر ءَ چیئرپرسن بے نظیر انکم سپورٹ پروگرام ءِ کلوہ

اسلام آباد۔3مئی  (اے پی پی): چیئرپرسن بے نظیر انکم سپورٹ پروگرام ءِ سینیٹر روبینا خالد ءَ پریس ءِ آجوئی ءِ جھان ءِ روچ ءِ موہ ءَ وتی ھاسیں کلوہ ءِ تہ ءَ گوشت کہ پریس ءِ آجوئی جمہوریت ءِ بُن ھشت اِنت، ایشی ءِ سر ءَ ھرچ وڑیں بندش نا منّگ بیت، رائے ءِ درشان ءِ سر ءَ بندش چاگردی دیمروئی ءِ واستہ تاوان بار اِنت۔ یک شمبے ءِ روچ ءَ بی آئی ایس پی ءِ نیمگ ءَ جاڑی بوتگیں بیان ءِ تہ ءَ سینیٹر روبینا خالد ءَ گوشت کہ پاکستان پیپلز پارٹی ہر دور ءَ پریس ءِ آجوئی ءُ جمہوری قدر آنی چیمپئن بوتگ۔ آئی ءَ گوشت کہ ریاست ءِ ذمہ واری اِنت کہ آ اھوالکار آناں ترس ءُ بیم، زور ءُ سنسر شپ ءَ چہ آزاتیں چاگرد ءِ پھجارینگ ءَ بہ کنت، میڈیا ءِ سر ءَ بے وسی ءِ بندش راستی ءِ سرکوب کنگ ءِ برابر اِنت۔ سینیٹر روبینا خالد ءَ گیش گوشت کہ مصنوعی ذہانت ءِ دور ءَ ذمہ وار، مستند ءُ تصدیق شدہ صحافت ءِ ارزشت گیش گیش بوتگ، پیشہ وارانہ صحافت جعلی حال ءُ گہتریں جعلی آنی ھلاپ ءَ یکیں موثر دفاع انت۔ آئی ءَ گوشت کہ آجوئی ءِ ھمراھی ءَ راجی نپ ءُ ریاستی پجار ءِ رکھینگ ھم المی اِنت ۔ سینیٹر روبینہ خالد ءَ گوشت کہ جھان ءِ تک ءَ پاکستان ءِ جوانیں امیج ءَ را پدر کنگ میڈیا ءِ ھاسیں ذمہ واری انت۔ سنسنی خیز ءِ بدل ءَ پٹ ءُ پول، توازن ءُ حقیقت ءِ سرا مبنی رپورٹنگ ءِ وھد ءِ لوٹ اِنت۔ رسانکدر ءِ آجوئی ءِ ھست نہ بوھگ ءَ چہ شفافیں احتساب ءُ مھکمیں جمہوریت ممکن نہ اِنت۔ آئی ءَ گوشت کہ اختلاف ءِ سرکوب نہ کنگ بلکیں ایشی ءَ را برداشت کنگ جمہوری دود ءُ ربیدگ آنی بھر اِنت۔ چیئرپرسن بی آئی ایس پی ءِ سینیٹر روبینہ خالد ءَ گوشت کہ ڈیجیٹل ءُ سوشل میڈیا ءِ سر ءَ نا تصدیق بوتگیں ھال آنی شنگ ءُ تالان کنگ ءَ چہ راجی تاوان رس ایت۔ آئی ءَ گوشت کہ اھوالکار آنی ھک ءُ آجوئی ءِ رکھینگ پیپلز پارٹی ءِ اولی ترجی انت۔ سینیٹر روبینہ خالد ءَ گشتگ کہ راستیں گپ جنوکاں چپ کنگ جیڑہانی گیواری نہ انت بلکینگ ءَ بحران ءِ پیداک کنگ انت۔