وفاقی وزیر اطلاعات عطا اللہ تارڑ ءَ سینئر سیاست دان سردار ذوالفقار علی خان کھوسہ ءِ لوگ ءَ تر ءُ تاب کتگ ءُ آئی ءِ بیرانی ءِ سر ءَ دلپدردی درشان کتگ، بیران بوتگیں ارواح ءِ واستہ پاتیہ ونتگ

لاہور۔3مئی  (اے پی پی): وفاقی وزیر اھوالکاری عطا اللہ تارڑ ءَ پیسریگیں پنجاب ءِ گورنر ءُ مزنیں سیاستدان سردار ذوالفقار علی خان کھوسہ ءِ گس ءِ تر ءُ تاب کتگ ءُ آئی ءِ بیرانی ءِ سر ءَ دلپدردی درشان کتگ۔ وفاقی وزیر ءِ اھوالکاری ءَ بیران بوتگیں سردار سیف الدین کھوسہ ءُ سردار دوست محمد کھوسہ ءِ زھگ آنی پت ءِ بیرانی ءِ سر ءَ دلپدردی ءِ درشانی کتگ ءُ بیران بوتگیں ارواح ءِ واستہ پاتیہ ونتگ۔ اے موہ ءِ سر ءَ وفاقی وزیر ءِ اھوالکاری ءَ تران کنان ءَ گوشت کہ سردار ذوالفقار علی خان کھوسہ یک فکر مند، باوقار ءُ تجربہ کاریں سیاسی سروک ءِ بوتگ۔ بیران بوتگیں مردم ءَ راجی سیاست ءُ راجی ھزمت ءِ پڑ ءَ مزنیں کردے پیلو کتگ۔ مرحوم ءِ سیاسی ءُ چاگردی ھزمت مدام یات بنت۔ آئی ءَ گوشت کہ سردار ذوالفقار علی خان کھوسہ ءِ بیرانی ءَ گوں راجی سیاست یک زہیروکیں ءُ سنگینیں راھشون ءَ چہ زبھر بوتگ۔ عطا اللہ تارڑ ءَ دعا کت کہ اللہ تعالیٰ بیران بوتگیں مردم ءَ وتی رحمت ءِ تہا جاگہ ​​بہ دنت ءُ غم ءِ آماچیں ھاندان ءَ اے جھٹکا ءِ برداشت کنگ ءِ توان بہ دنت۔