جنگ حقیقت ءِ مزنیں سوبمندی ءَ یک رندے پدا راج ءِ زھگانی کرد ءِ سر ءَ چمشانک دیگ بوت

اسلام آباد۔3مئی  (اے پی پی): راستی ءِ جنگ ءِ مزنیں سوبمندی ءَ یک رندے پدا راج ءِ زھگ آنی کرد ءِ سر ءَ چمشانک دیگ بوت، سلاہ بندیں اُرد ءَ وتی ذمہ واری ءَ را گوں گیشیں پیشہ وارانہ ءُ جزم ءَ پیلو کت۔ یونٹ کمانڈر لیفٹیننٹ کرنل مرزا جہانتاب خالد ءَ اے درگت ءَ وتی کلوہ ءِ تہ ءَ گوشت کہ ما دژمن ءَ را ھاسیں کلوہ دات کہ آ وتی موثر ءُ وھد ءِ سر ءَ پسہ ءِ ودار ءَ بہ کن اِت۔ آئی ءَ جنگ ءِ راستی ءِ وھد ءَ فتح ون میزائل سسٹم ءِ تیاری، تعیناتی ءُ وھد ءِ سر ءَ کارمرد کنگ ءِ درستیں پڑ آنی نگرانی کتگ ات کہ ایشی ءِ تہ ءَ مزنیں تک ءِ منصوبگ بندی، درستیں نشانگ جوڑ کنگ ءُ آپریشنل کوآرڈینیشن ھوار ات۔ آئی ءَ گوشت کہ راستی ءِ جنگ ءِ سوبمندی ءَ چہ یک سال ءَ پد ھم پاکستانی سلاہ بندیں اُرد آنی پیشہ وارانہ برتری ءُ آپریشنل تیاری برجاہ اِنت، اے نوکیں ٹیکنالوجی ءُ موثر حکمت عملی ءِ درشان اِنت۔ فتح ون میزائل ءِ موثر، راست ءُ وھد ءِ سر ءَ کارمرد کنگ ءَ چہ دژمن ءِ ھاسیں ٹارگٹ کامیابی ءَ گوں لگتمال بوتگ اَنت کہ پاکستان ءِ دفاعی توان ءُ پیشہ وارانہ لیکہ ءِ پدّریں ثبوت اِنت۔ لیفٹیننٹ کرنل مرزا جہانتاب خالد ءَ گوشت کہ اے سوبمندی ایشی ءِ ثبوت انت کہ پاکستان نہ ایوک ءَ دفاعی رد ءَ مھکم انت بلکینگ ءَ نوکیں جنگی لوٹ آنی رد ءَ وتی صلاحیت آناں جوانیں رنگ ءَ کارمرد کنگ ءِ سرجمیں اہل انت۔ ما وردی پوشیں مردم ایں.