وفاقی وزیر داخلہ محسن نقوی ءَ نادرا سنٹر شملہ پہاڑی ءِ سرپرائز تر ءُ تاب

لاہور۔3مئی  (اے پی پی): وفاقی وزیر داخلہ محسن نقوی ءَ 24/7 نادرا سنٹر شملہ پہاڑی ءِ حیرانی ءِ تر ءُ تاب کتگ۔ وزارت داخلہ ءِ رد ءَ وزیر داخلہ محسن نقوی ءَ مرکز ءِ تہ ءَ بے دروریں رش ءُ اے سی ءِ بند بوھگ ءِ سر ءَ زھر ءُ زھر ءِ درشانی کتگ ءُ مرکز ءِ آسراتی آناں گہتر کنگ ءِ پرمان داتگ۔ آئی ءَ مرکز ءَ ھواریں شہری آں شناسنامہ ءُ اے دگہ کاگد ءِ جاری کنگ ءِ عمل ءِ بابت ءَ ھم جست ءُ پرس کتگ۔ وزیر داخلہ ءَ جتاجتائیں کاؤنٹر آنی تر ءُ تاب کتگ ءُ شہری آں گوں گند ءُ نند کتگ ءُ آہانی جیڑہ ءُ جنجالانی بابت ءَ جست ءُ پرس کتگ۔ رش ءِ جوانیں رنگ ءَ انتظام کنگ ءِ پرمان دیان ءَ وزیر داخلہ محسن نقوی ءَ گوشت کہ من پیسر ءَ ھم نادرا سینٹر شملہ پہاری ءِ تر ءُ تاب کتگ ات، جاور ھال شر بوتگ انت بلے مرچی شہری آنی نیمگ ءَ چہ رائے جوان نہ بوتگ۔ محسن نقوی ءَ اے گپ پدر کت کہ شہری آناں ترندیں سروسز ءِ پجارینگ ءِ سر ءَ ھچ وڑیں سمجھوتہ نہ بیت۔ وفاقی وزیر داخلہ محسن نقوی ءَ شہری آنی جیڈھ آنی گیواری ءِ واستہ جاہ ءِ سر ءَ پرمان داتگ۔