وفاقی وزیر ءِ اھوالکاری عطا اللہ تارڑ ءَ کونسل آف پاکستان نیوز پیپر ایڈیٹرز   آنی   نوک گچین بوتگیں اگدہ داراں مبارکی دات

اسلام آباد۔3مئی  (اے پی پی): وفاقی وزیر ءِ اھوالکاری عطا اللہ تارڑ ءَ کونسل آف پاکستان نیوز پیپر ایڈیٹرز   آنی   نوک گچین بوتگیں کارندہ آناں مبارکی دات ءُ گوشت کہ اھوالکاری جمہوری چاگرد ءِ یک ھاسیں بن پادگے، اھوالکاری ءُ ریاستی ادارگ آنی نیام ءَ گہتریں ھمگرنچی راج ءِ واستہ المی اِنت۔ یک شمبے ءِ روچ ءَ وتی مبارکی کلوہ ءِ تہ ءَ وفاقی وزیر ءِ اھوالکاری ءَ نوک گچین بوتگیں سی پی این ای ءِ صدر کاظم خان، سیکرٹری جنرل غلام نبی چانڈیو، سینئر نائب صدر ایاز خان، نائب صدر شکیل احمد تورابی ءُ انور ساجیدی، سیکرٹری اھوالکاری ءِ کارگس منزہ صحم ءُ ایندگر آناں مبارک بات داتگ۔ وفاقی وزیر ءِ اھوالکاری ءَ گوشت کہ چاگردی سرپدی ءِ تہ ءَ ذمہ واریں اھوالکاری ءِ ھاسیں کرد انت۔ آئی ءَ اے امیت سہرا کت کہ نوکیں گچین بوتگیں سروکی میڈیا انڈسٹری ءَ گوں دیم پہ دیم بوتگیں چیلنج آنی گیواری ءُ اھوالکاری ادارگ آناں مھکم کنگ ءَ وتی سرگرمیں کرد ءَ پیلو کنت۔ آئی ءَ گوشت کہ حکومت ذمہ واریں اھوالکاری ءِ دیمروئی ءِ واستہ میڈیا ءِ انڈسٹری ءِ گوما ھمکوپگی ءَ برجاہ دار ایت، آئی ءَ گوشت کہ راجی نپ ءِ واستہ اھوالکاری ءُ ریاستی ادارگ آنی نیام ءَ گہتریں ھمگرنچی المی اِنت۔