بورڈ آف انویسٹمنٹ ءِ وفاقی وزیر قیصر احمد شیخ ءَ منچسٹر ءَ وش آتک کنگ بوت

اسلام آباد۔2مئی  (اے پی پی): سرمایہ کاری ءِ بورڈ ءِ وفاقی وزیر قیصر احمد شیخ ءَ را مانچسٹر ءَ مزنیں وش آتک کنگ بوتگ، ایشی ءِ تہ ءَ برطانیہ ءِ باسکاں قیصر احمد شیخ ءِ ھزمت آنی سر ءَ شگر ءُ منت گپتگ۔ شمبے ءِ روچ ءَ ادا بورڈ آف انویسٹمنٹ ءِ نیمگ ءَ جاڑی بوتگیں بیان ءِ رد ءَ مانچسٹر ءِ ڈین ہاؤس ءَ مزن تک ءِ مراگش برجم دارگ بوتگ ایشی ءِ تہ ءَ اوورسیز پاکستانی آں سرجمیں زور ءَ بھر زرتگ۔ سرمایہ کاری ءِ وزیر قیصر احمد شیخ ءَ درملکی پاکستانی آنی زرّ ءِ دیم دیگ ءَ را معیشت ءِ ریڑھ ءِ ھڈ لیکگ ءِ وھد ءَ گوشت کہ پاکستان سرمایہ کاری ءِ واستہ جوانیں منزل اِنت۔ آئی ءَ حکومت ءِ نیمگ ءَ داتگیں ترغیب ءُ موہ آناں کارمرد کنگ ءِ سر ءَ زور پر دات۔ قیصر احمد شیخ ءَ گوشت کہ مزن وزیر محمد شہباز شریف ءِ سروکی ءَ پاک برطانیہ ءِ سیادی گیش مھکم بوتگ انت۔ وفاقی وزیر ءَ جہانی امن ءِ واستہ فیلڈ مارشل سید عاصم منیر ءِ کوشست آناں ستا دات۔ وفاقی وزیر قیصر احمد شیخ ءَ گوشت کہ زراعت، آئی ٹی، ٹیکسٹائل ءَ ھوار جتا جتائیں شوبگ آنی تہ ءَ سرمایہ کاری ءِ مزنیں موہ است انت۔ آئی ءَ سرمایہ کار آناں سرجمیں آسراتی پجارینگ ءِ بورڈ آف انویسٹمنٹ ءِ جزم ءِ ھم پدر کت۔