نائب مزن وزیر/درئی کارانی وزیر سینیٹر محمد اسحاق دار ءَ گوں وتی کویت ءِ ھمکار شیخ جرہ جابر الاحمد الصباح ءَ ٹیلی فون ءِ سر ءَ گپ ءُ تران

اسلام آباد۔2مئی  (اے پی پی): نائب مزن وزیر /درئی کارانی وزیر سینیٹر محمد اسحاق دار ءَ شمبے ءِ روچ ءَ کویت ءِ درئی کارانی وزیر شیخ جرہ جابر الاحمد الصباح ءَ گوں ٹیلی فون ءِ سر ءَ گپ ءُ تران کت۔ دوئیں رہشون آں دمگ ءِ بدل بوؤکیں جاور ھال آنی سر ءَ تران کت ءُ ایشی ءِ گیشیں اقتصادی آسر آنی سر ءَ وتی ھیال ءُ لیکہ آناں درشان کت۔ نائب مزن وزیر/دری کارانی وزیر ءَ پاکستان ءِ برجاھیں کوشست آنی سر ءَ زور پر دات کہ پڑ ءُ ایشی ءَ چہ دریں امن ءُ ایمنی ءِ دیمروئی ءِ واستہ جوڑیشت ءِ ھوار بوھگ ءُ سفارتکاری ءَ را دیم ءَ برگ بہ بیت۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ درئی کارانی وزیر شیخ جرہ ءَ مسلم امت ءُ میاں اوستمانی براتی ءِ واستہ دائمی امن ءُ ایمنی ءِ برجائی ءِ واستہ پاکستان ءِ دلجمیں کوشست آناں ساڑات۔ دوئیں راہشوناں پاکستان ءُ کویت ءِ نیام ءَ مھکمیں براتیں سیادی ءِ پدا پدر کت ءُ نزیکیں رابطہ داری ءِ سر ءَ تپاک کت۔