مزن وزیر ءِ صنعت ءُ پیداوار ءِ ھوالگ ءَ ھاسیں کمکار ءَ ازبکستان ءِ دمگ ناوئی ءِ گورنر ءَ گوں گند ءُ نند کتگ

اسلام آباد۔2مئی  (اے پی پی):   مزن وزیر ءِ صنعت ءُ پیداوار ءِ ھوالگ ءَ ھاسیں کمکار ھارون اختر خان ءَ ازبکستان ءِ دمگ نوئی ءِ گورنر نورمت تورسونوف ءَ گوں گند ءُ نند کتگ۔ گند ءُ نند ءَ پاکستان ءَ ازبکستان ءِ سفیر علیشر تختائیف، سیکرٹری انڈسٹریز اینڈ پروڈکشن ءُ سیکرٹری فوڈ سیف انجم ءَ ھوار مزن اگدہ داراں بھر زوری کت۔ وزارت ءِ صنعت ءُ پیداوار ءِ رد ءَ ہارون اختر خان ءَ ازبکستان ءِ ڈل ءَ را گہتری ءَ گوں وش آتک کتگ ءُ پاکستانی الس ءِ نیک راھی ءِ درشان ھم کتگ۔ اے موہ ءَ پاکستان ءَ چہ ازبکستان ءَ زندگیں جانور آناں برآمد کنگ ءِ شور ءِ سر ءَ ھیال ریچی کنگ بوت۔ ہارون اختر خان مزن تک ءِ ڈل ءِ ہمراہی ءَ ازبکستان ءِ تر ءُ تاب ءَ کنت ۔ گند ءُ نند ءِ ساھت ءَ دوئیں نیمگ ءَ دوائی، چمڑی ءُ ایندگر شوبگ آنی تہ ءَ کمک ءِ تہ ءَ گیشی ءِ سر ءَ تپاک کنگ بوتگ ءُ بی ٹو بی رابطہ، گوشت ءِ برآمد ءُ دو نیمگی سیادی آناں دیمروئی دیگ ءِ سر ءَ زور پر داتگ۔ اے موہ ءِ سر ءَ مزن وزیر ءِ وژن ءِ چیر دستی ءَ تجارتی سیادی آناں مھکم کنگ ءِ جزم ءِ درشان کنگ بوت۔ ہارون اختر خان ءَ ازبکستان ءِ گورنر ءَ را یاتگاری سپر ءِ دات۔ دوئیں نیمگ ءَ یک ءُ دومی ءِ الس ءُ حکومت ءِ سروک آنی واستہ نیکیں واھگ آنی درشان ھم کتگ۔