مزن وزیر شہباز شریف ءَ پی ایس ایل ءِ گڈی میچ ءِ واستہ جوانیں بندوبست کنگ ءِ پنت ءُ شون دات

لاہور۔2مئی  (اے پی پی):  مزن وزیر محمد شہباز شریف ءَ پی ایس ایل ءِ گڈی میچ ءِ ھوالگ ءَ گوازی ، چاروک  ءُ ایندگر شہری آنی واستہ جوانیں بندوبست کنگ ءِ پنت ءُ شون کتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ تہی کارگس ءِ وزیر محسن رضا نقوی ءَ مزن وزیر ءَ گوں گند ءُ نند کتگ ءُ ملک ءِ ایمنی ءِ جاور ءُ اے درگت ءَ گامگیج آنی بابت ءَ سرپد کتگ۔ گند ءُ نند ءَ تہی کارانی وزیر ءَ مزن وزیر ءَ را پی ایس ایل ءِ گڈی میچ ءِ برجائی ءِ ھوالگ ءَ سیکورٹی ءُ اے دگہ بندوبست آنی بابت ءَ ھم سرپد کت۔ مزن وزیر ءَ پنت ءُ شون کت کہ پی ایس ایل ءِ گڈی میچ ءِ بابت ءَ کھڈکار، شائقین ءُ ایندگر شہری آنی واستہ جوانیں بندوبست کنگ بہ بیت۔