پریس ءِ آجوئی ءِ جھان ءِ روچ زانتکاری ءُ جمہوری قدر ءُ قیمتانی رسائی ءِ دیمروئی ءِ ھاترا نوکیں جزم ءِ علامت اِنت، سید یوسف رضا گیلانی

اسلام آباد۔2مئی  (اے پی پی):  سینیٹ ءِ چیئرمین سید یوسف رضا گیلانی ءَ گوشت کہ 3 مئی ءِ روچ ءَ را جہانی تک ءَ رسانکدر ءِ آجوئی، لبز ءِ آجوئی، زانتکاری ءِ رسائی ءُ جمہوری ارزشت آنی دیمروئی ءِ نوکیں جزم ءِ علامت اِنت۔ پاکستان ءِ آئین ءِ تہ ءَ لبز ءِ آجوئی ءُ رسانکدر ءِ آجوئی ءِ ضمانت دیگ بوتگ ءُ اے آئینی ھک آنی رکھینگ ءُ اھوالکار آنی وشھالی ءِ دیمروئی ءِ واستہ پاکستان ءِ سینیٹ ءَ مدام سرگرمیں کرد پیلو کتگ۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ پریس ءِ آجوئی ءِ جھان ءِ روچ ءِ موہ ءَ وتی ھاسیں کلوہ ءِ تہ ءَ سینیٹ ءِ چیئرمین سید یوسف رضا گیلانی ءَ گوشت کہ جھان ءِ پریس ءِ آجوئی ءِ روچ 1993 ءَ اقوام متحدہ ءِ جنرل اسمبلی ءِ یک قرارداد ءِ پد ءَ جوڑ کنگ بوتگ ءُ ایشی ءَ چہ سرجمیں جھان ءِ سر ءَ اے روچ ءِ برجم دارگ بوھگ ءَ اِنت۔ ایشانی قربانیاں پہمگ ءُ آزاتیں صحافت ءِ سرا زور دیگ۔ چیئرمین سینیٹ ءَ اے گپ ءِ سر ءَ زور پر دات کہ آزات، ذمہ وار ءُ یک بااختیاریں میڈیا ھرچ جمہوری چاگرد ءِ ناگزیریں ستون اِنت۔ آئی ءَ گوشت کہ ایشی ءَ چہ نہ ایوک ءَ الس ءَ را بروقت ءُ معتبریں زانتکاری رس ایت بلکیں شفافیت، احتساب، چاگردی انصاف ءَ را دل یکیمی کنگ ءُ راجی بیانیہ ءِ جوڑ کنگ ءَ ھم المی کرد پیلو کنت۔ آئی ءَ گوشت کہ اے روچ نہ ایوک ءَ اھوالکاری ءِ بنیاتی رھبندانی بابت ءَ سرپدی پیداک کنت بلکینگ ءَ اھوالکار ءُ میڈیا آرگنائزیشنز ءِ دیم ءَ اوشتاتگیں چیلنج آنی نیمگ ءَ ھم دلگوش گور کنگ بیت ایشی ءِ تہ ءَ پیشہ وارانہ دباؤ ءُ سیکورٹی ءِ جیڈھ ھوار اَنت۔ آئی ءَ پاکستان ءَ ھوار سرجمیں دگنیا ءِ اھوالکار آناں شگر ءُ منت پیش کنان ءَ آوانی ھزمت ءُ قربانی ساڑاتگ ءُ گوشت کہ جمہوریت ءِ مھکم کنگ ءِ واستہ اھوالکار آنی ایمنی، آجوئی ءُ پیشہ وارانہ آجوئی المی اِنت۔ آئی ءَ گوشت کہ پاکستان ءِ آئین ءَ لبز ءُ گپ ءِ آجوئی ءُ رسانکدر ءِ آجوئی ءِ ضمانت داتگ ءُ پاکستان ءِ سینیٹ ءَ مدام اے آئینی ھک آنی رکھینگ ءُ اھوالکار آنی گہبودی ءِ دیمروئی ءَ سرگرمیں کرد پیلو کتگ۔ آئی ءَ گوشت کہ ایوان بالا ءَ کانود سازی، قرارداد ءُ پارلیمانی بحث آنی وسیلگ ءَ اھوالکار آناں رکھینگ، ھال رسانی ءَ را گہتر کنگ ءُ لبز ءِ آجوئی ءِ برجائی ءِ واستہ گامگیج چست کتگ۔ ھاسیں گامگیج چست کنگ بوتگ انت۔ چیئرمین سینیٹ ءَ گوشت کہ اھوالکار آنی سر ءَ زوراکی، ہراسانی، دھمکی دیگ ءُ ھرچ وڑیں غیر جمہوری بندش آناں منگ نہ بیت ءُ ایشی ءَ را سک باز بند کنگ لوٹ ایت۔ آئی ءَ گوشت کہ مرچیگیں تیز رفتار انفارمیشن ءِ دور ءَ کہ جعلی ھال، پروپیگنڈا ءُ ردیں ھال آنی وڑیں چیلنج گیش بوھگ ءَ انت، ذمہ وار، اصولی ءُ راجی شعوری اھوالکاری ءِ ضلورت گیش ھاسیں رنگ ءَ بوتگ۔ آئی ءَ رسانکدر ءَ چہ اپیل کت کہ آ راستی، پٹ ءُ پول، توازن ءُ راجی ذمہ واری ءِ برجائی ءَ بہ کن اَنت ءُ چاگرد ءَ جوڑیشت ءُ جوانیں گپ ءُ تران ءَ را دیم ءَ برگ ءَ اَنت۔ آئی ءَ دل یکیمی دات کہ پاکستان ءَ جمہوریت ءِ دیمروئی، آئینی بالادستی ءِ برجائی ءُ پریس ءِ آجوئی ءُ لبز ءِ آجوئی ءَ را مھکم کنگ ءِ واستہ پارلیمنٹ ھاسیں رنگ ءَ سینیٹ جمہوریت ءِ دیمروئی ءِ واستہ فعال ءُ موثر کرد ءَ برجاہ دار ایت۔