مزن وزیر شہباز شریف ءَ لین ءِ تاوان ءَ را مزنیں کساسے ءَ کم کنگ ءُ بجلی ءِ دُزی ءَ را ہلاس کنگ ءِ واستہ سختیں گامگیج برجاہ دارگ ءِ پنت ءُ شون کتگ

لاہور۔ مئی(اے پی پی): مزن وزیر محمد شہباز شریف ءَ بجلی ءِ ٹرانسمیشن سسٹم ءَ را گہتر کنگ ءِ وسیلگ ءَ لائن ءِ تاوان ءَ را مزنیں کساس ءَ کم کنگ ءُ بجلی ءِ دُزی ءَ را ھلاسی ءِ واستہ سختیں گامگیج آناں برجاہ دارگ ءِ پنت ءُ شون کتگ ءُ توان ءِ شوبگ ءَ نوکیں ٹیکنالوجی ءِ کارمردی ءَ را دیمروئی دیگ ءِ سر ءَ زور پر داتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ توانائی ءِ شوبگ ءَ اصلاحات ءِ ھوالگ ءَ دیوان برجم دارگ بوت۔ گند ءُ نند ءَ نائب مزن وزیر ءُ درئی کارانی وزیر محمد اسحاق دار، وفاقی وزیر ءِ ھزانگ محمد اورنگزیب، وفاقی وزیر ءِ اقتصادی کار احد خان چیما، وفاقی وزیر ءِ اطلاعات ءُ شنگکاری عطا اللہ تارڑ، وفاقی وزیر ءِ بجلی سردار علی عویس پیترالیک احمد خان ءَ بھر زوری کت۔ خزانہ ءِ وزیر مملکت بلال اظہر کیانی، اسپیشل اسسٹنٹ ہارون اختر ءُ ہمگرنچیں ادارہانی مزنیں افسر۔ گند ءُ نند ءَ مزن وزیر ءَ را ملکی صارف ءُ صنعت ءِ واستہ بجلی ءِ کارمردی ءِ ھوالگ ءَ سفارش پیش کنگ بوت۔ مزن وزیر ءَ گوشت کہ بجلی ءِ صنعتی ءُ ملکی صارف آنی واستہ آسراتی جوڑ کنگ ءِ واستہ گامگیج چست کنگ بہ بنت، بجلی ءِ ٹرانسمیشن سسٹم ءَ را گہتر کنگ ءَ چہ لائن ءِ تاوان ءَ را مزنیں کساس ءَ کم کنگ بہ بیت، ملک ءَ توان ءِ کمی ءَ را گیش کنگ ءِ واستہ قابل تجدید توانائی منصوبگ آناں دیمروئی دیگ بہ بیت ءُ استحکام ءِ واستہ یک جامع حکمت عملی ءِ جوڑ کنگ بہ بیت۔ مزن وزیر ءَ ڈیجیٹل آسراتی آناں دیمروئی دیگ ءِ سر ءَ زور پر دات تانکہ صارف آناں بل ءِ دیئگ ءَ آسانی بہ بیت۔ آئی ءَ پنت ءُ شون کت کہ بجلی ءِ دُزی ءَ را ہلاس کنگ ءُ صنعتی دیمروئی ءَ را دیمروئی دیگ ءِ واستہ توان ءِ بے رکاوٹیں سپلائی ءَ را دل یکیمی کنگ ءِ واستہ سختیں گامگیج برجاہ دارگ بہ بنت۔ آئی ءَ گوشت کہ ملکی صارف آناں آسراتی پھجاری حکومت ءِ اولی ترجی آنی تہ ءَ ھوار اِنت، ءُ توان ءِ شوبگ ءَ اصلاحات ءِ واستہ الس ءُ صنعت ءِ گیشیں مفاد آنی ھیال ءَ دارگ ءَ ابید کنگ نہ بیت۔