پریس ءِ آجوئی ءِ رکھینگ حکومت ءِ اولی ترجی انت، جعلی ھال ءُ ذمہ واریں صحافت ءَ گوں گر ءُ چیل بوھگ وھد ءِ لوٹ انت، مزن وزیر شہباز شریف

اسلام آباد۔  3 مئی (اے پی پی) :  مزن وزیر محمد شہباز شریف ءَ پریس ءِ آجوئی ءِ رکھینگ، دیمروئی ءُ جوانیں چاگرد ءِ پجارینگ ءِ وتی جزم ءِ یک رندے پدا گوشت کہ میڈیا نہ ایوک ءَ مئے چاگردی، سیاسی ءُ اقتصادی تنوع ءِ عکس اِنت بلکیں راجی یکوئی ءُ برجائی ءَ را ھم دیمروئی دنت۔ ہر صحافی ءِ فرض انت کہ آ وتی پیشہ وارانہ قدر ءُ قیمتانی چیر دستی ءَ پروپیگنڈا، جعلی حال، بے تصدیق ءُ بے تصدیقیں حالانی شنگ کنگ ءَ بند بہ کنت۔ حقیقت ءِ جہد ءِ لحظہ سلاہ بندیں اُرد ءِ توانائی ءِ ہمے رنگ ءَ یکجائی راجی طاقت ءِ جلوہ بوتگ انت۔ صحافی کمیونٹی ءِ کرد ہم ستا کرز ات۔ مزن وزیر کارگس ءِ میڈیا ونگ ءِ نیمگ ءَ شمبے ءِ روچ ءَ پریس ءِ آجوئی ءِ جھان ءِ روچ ءِ سر ءَ جاڑی بوتگیں کلوہ ءِ تہ ءَ مزن وزیر ءَ گوشت کہ پریس ءِ آجوئی ءِ جھان ءِ روچ ءَ پاکستان ءُ سرجمیں دگنیا ءَ اھوالکار، کالم نبیس، اھوالکار، ایڈیٹر، نشریات ءُ اھوالکاری ءَ گوں ھمگرنچیں درستیں مردم آنی بے وسیں ازمت آناں شگر ءُ منت گپت۔ ما اے گپ ءَ را خراج تحسین پیش کنیں کہ صحافی ءِ پیشہ وارانہ فرائض یک باخبر ءُ شعوری چاگرد ءِ ضمانت انت۔ تعصب ءَ چہ آزاتیں مستند ءُ غیر جانبداریں ھالانی بروقت شنگ ءُ تالان کنگ حقیقی صحافت ءِ بنیاد اِنت۔ آئی ءَ گوشت کہ ھر اھوالکار ءِ فرض اِنت کہ آ وتی پیشہ وارانہ قدر ءُ قیمت آنی چیر دستی ءَ پروپیگنڈا، جعلی ھال، غیر مستند ءُ بے تصدیق بوتگیں ھال آنی شنگ ءُ تالان ءَ را بند بہ کنت۔ صحافی نہ ایوک ءَ پیشہ وارانہ بلکیں چاگردی قدر ءُ قیمتانی سرپرست انت۔ اے سال ءَ ”امنیں آیوکیں وھد ءِ جوڑ کنگ“ ءِ بنگپ ءِ چیر دستی ءَ رسانکدر ءِ جھان ءِ آجوئی ءِ روچ برجم دارگ بوھگ ءَ اِنت۔ اے بنگپ انوگیں دور ءِ لوٹ ءُ گزراں پدر کنت۔ صحافی وتی زمہ واری ءِ پیلو کنگ ءِ تہا باوقار، ایمن ءُ سازگاریں چاگرد ءِ مستحق انت۔ آئی ءَ گوشت کہ استیں دور ءَ امن ءُ ایمنی ءِ چاگرد ایوک ءَ سفارتکاری ءِ وسیلگ ءَ حاصل نہ بیت بلکینگ ءَ ایشی ءِ جوڑ کنگ ءَ مستندیں اھوالکاری، ذمہ واریں اھوالکاری ءُ السی رائے ءِ فیصلہ کنوکیں کرد انت۔ رسانکدر ءِ تہ ءَ اے توان ھست کہ آ ملک آنی نیام ءَ میاں اوستمانی سیادی، سفارتی، معاشی، چاگردی رابطہ آناں جوانیں، بامرد ءُ موثر جوڑ کنگ ءِ تہ ءَ یک تعمیری کردے پیلو بہ کنت۔ گیشتریں وھد ءَ یک نقطہ نظر ءِ راستیں ترجمانی ءَ بازیں پیچیدہ جیڑہ گیش ءُ گیوار بنت۔ اے ذمہ واریں صحافت ءِ نشان اِنت۔ آئی ءَ گوشت کہ پاکستان پرامن ملک اِنت ءُ اختلاف ءَ چہ تاں دراجیں مدت ءِ گیواری ءَ تاں کش ءُ چیل ءَ را گپ ءُ تران ءُ گپ ءُ تران ءَ را اولی ترجی ءَ دنت۔ استیں جاور ھال آنی تہ ءَ پاکستان سفارتی پڑ ءَ جوانیں کرد پیلو کنگ ءَ اِنت، تناؤ ءَ را کم کنگ ءَ اِنت، گپ ءُ تران ءَ را دیم ءَ برگ ءَ اِنت ءُ دمگ ءَ امن ءِ بحال کنگ ءَ اِنت۔ اے درگت ءَ جھان ءِ تک ءَ میڈیا ءَ پاکستان ءِ توسیپ کتگ ۔ آئی ءَ گوشت کہ سفارتی محاذ ءُ ایمنی ءِ وھد ءَ ابید حق ءِ جنگ ءُ آپریشن بنیان مرسوس ءِ وھد ءَ راجی میڈیا ءَ ھم ھاسیں کرد پیلو کتگ ءُ یک ھمگرنچیں راجی پسو ءُ حاکمیت ءِ دفاع ءِ واستہ راجی یکوئی ءُ پاکستان ءِ موقف ءَ را گوں ھاسیں ءُ صبر ءُ اوپار ءَ پیش کتگ۔ رسانکدر ءَ لس مھلوک ءَ را سرپدی داتگ ءُ ردیں ھالانی دیم ءَ دارگ بوتگ۔ حق ءِ جنگ ءِ ساھت سلاہ بندیں اُرد ءِ توانائی ءِ ھمراھی ءَ یکجاھیں راجی زور ءِ درشان بوتگ اَنت کہ ایشی ءِ تہ ءَ ذمہ واریں رسانکدر جوانیں رنگے ءَ ھوار بوتگ ءُ سرجمیں اھوالکاریں چاگرد ءِ کرد ستا کرز اِیت۔ آئی ءَ گوشت کہ مرچی ما ھما اھوالکار آناں ھم شگر ءُ منت وار ایں کہ آھاں وتی فرض ءِ پیلو کنگ ءِ وھد ءَ وتی جان ندر کتگ اَنت۔ ایشانی ہمت مارا یات دنت کہ پریس ءِ آجوئی یک ارزشت داریں مڈی یے ۔ میڈیا ءِ ندارگ جدت ءِ رندگیری ءَ گوں تیزی ءَ بدل بوھگ ءَ اِنت۔ ڈیجیٹل پلیٹ فارمز، ملکی ءُ آ عالمی رائے ءِ جوڑ کنگ ءَ یک مزنیں کردے پیلو کنگ ءَ انت۔ چوشیں جاوراں رسانکدر ءِ راجی پجار ءُ نقطہ نظر ءَ را جھان ءِ تک ءَ جوانیں رنگے ءَ پدر کنگ ءَ ھاسیں کردے ھست۔ آئی ءَ گوشت کہ میڈیا ادارگ آناں ڈیجیٹل پڑ ءَ جدت ءِ گوما وت ءَ را ردوم دیگ ءِ تہ ءَ تیزی ءُ ذمہ واری ءِ احساس دوئیں لوٹ اَنت۔ جعلی ھال ءُ منظم گمراہ کنوکیں مہم ءِ شنگ کنگ راجی ھمگرنچی ءُ جھان ءِ ساکھ ءِ ھاترا یک راستیں ھترہ یے ۔ اے المی انت کہ ھال ءُ اھوال ءِ سر ءَ ترندیں رسائی ءُ ساکھ ءِ دوئیں چیزاں اولیت دیگ بہ بیت۔ مزن وزیر ءَ صحافی براتی ءَ چہ اپیل کت کہ آ تصدیق، ایمانداری ءُ پیشہ وارانہ معیار ءِ مستریں قدر آناں برجم بہ دار انت تانکہ میڈیا ءِ تیز رفتار ڈیجیٹل دور ءَ ہم مقابلہ راستی ءِ قیمت ءَ مہ بیت۔ آئی ئَ گوشت کہ میڈیا نا ایوک ئَ مئے چاگردی، سیاسی ئُُ اقتصادی رنگ ئَ سانگ کنت بلکینگ ئَ راجی یکوئی ئُُ برجائی ئَ ھم دیما برگ بیت۔ صحافت یک کارآمدیں رنگے ءَ کار کنت کہ آ راج ءِ دیم ءَ چاگردی، معاشی ءُ راجمانی ارزشت ءِ جیڑہاں پدر بہ کنت ءُ راجمانی ھاسیں سرپدی یے پیداک بہ کنت۔ مزن وزیر ءَ گوشت کہ مرچی اے موہ ءِ سر ءَ آ حکومت ءِ جزم ءِ یک رندے پدر کنت کہ پریس ءِ آجوئی ءِ رکھینگ ءِ ھواری ءَ ایشی ءِ دیمروئی ءُ سازگاریں چاگرد ءِ جوڑ کنگ ءِ واستہ ھمک رنگ ءِ گامگیج چست کنگ بیت۔ بیا اِت کہ ما یکجائی ءَ وتی اے جزم ءَ نوک بہ کن ایں کہ حکومت پریس ءِ آجوئی ءِ رکھینگ ءِ تہ ءَ وتی کرد ءَ برجاہ دار ایت تانکہ میڈیا وتی ذمہ واری ءَ را سازگاریں چاگرد ءَ راستی ءَ پیلو بہ کنت ءُ یکجائی ءَ ما یک انچیں مھکمیں پاکستان ءِ جوڑ کنگ ءِ واستہ کار کن ایں کہ آ امن ءُ ایمنی ءِ واھند بہ بیت ءُ جھان ءِ تک ءَ یک باوقاریں بستارے بہ دار ایت۔