صدر آصف علی زرداری ءِ گشگ انت کہ پرامنیں آیوکیں وھد ءِ جوڑ کنگ ءِ ھاترا راستی ءِ دیمروئی المی انت، راستی ءِ رسگ ءِ ھاترا صحافی آنی کرد بنیاتی انت

اسلام آباد۔  3 مئی (اے پی پی) :  صدر آصف علی زرداری ءَ گوشت کہ پرامنیں باندات ءِ جوڑ کنگ ءِ واستہ راستی ءِ سہرا کنگ المی انت ءُ راستی ءِ ہلاس کنگ ءِ واستہ اھوالکار آنی کرد بنیاتی انت۔ صدر ءِ مملکت ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ صدر ءِ مملکت ءَ پریس ءِ آجوئی ءِ جھان ءِ روچ ءِ موہ ءَ وتی پیغام ءِ تہ ءَ پاکستان ءُ سرجمیں دگنیا ءِ اھوالکار، ایڈیٹر ءُ رسانکدر ءِ کارندہ آناں مبارک بات داتگ ءُ گوشت کہ اے سال ءِ بنگپ ’’پرامن ءِ آیوکیں وھد ءِ جوڑ کنگ‘‘ اے گپ ءِ درشان ءَ کنت کہ امن ءُ ایمنی ءِ گوما اے گپ ءِ پدر کنگ نہ بیت۔ سۆج. مرچی رسانکدر ءِ آجوئی ءَ را جتا جتائیں جیڑھانی دیمپانی کنگ ءَ اِنت کہ آھانی تہ ءَ ردیں ھال، جوڑ کتگیں ھال ءُ نوکیں ٹیکنالوجی ءِ ناجائز کارمرد کنگ ھوار اَنت۔ مصنوعی ذہانت ءُ جعلی ویڈیو ءُ عکس (ڈیپ فیکس) ءِ وڑیں رجحانات موہ ءِ دات کن انت بلے آہانی منفی اثرات ہم پیداک انت۔ صدر ءِ مملکت ءَ اے گپ ءِ سر ءَ جیڈھ ءِ درشانی کت کہ لھتیں گلوبل میڈیا آرگنائزیشنز ءُ سوشل میڈیا پلیٹ فارم نفرت، تعصب ءُ گمراہ کنوکیں بیانیہ ءِ دیمروئی ءِ واستہ کارمرد کنگ بوھگ ءَ انت وھدیکہ مزنیں ٹیک کمپنی برے برے نیشنل اسٹیٹ آنی کار آنی تہ ءَ مداخلت کن انت۔ آئی ءَ گوشت کہ پاکستان ءَ رسانکدر ءِ آجوئی یک آئین ءِ ھک اِنت کہ پاکستان ءِ آئین ءِ چیر دستی ءَ ضمانت داتگ، وھدیکہ آرٹیکل اے.19 ءِ تہ ءَ الس ءَ را ھال ءُ اھوال ءِ رسگ ءِ ھک دل یکیمی کنگ بوتگ۔ آزات ءُ ذمہ واریں میڈیا یک مھکمیں جمہوریت ءِ بُن ھشت اِنت۔ آئی ءَ زور پر دات کہ ذمہ واری صحافت ءَ گوں ھم بندوک اِنت ءُ تیزی ءَ چہ گیش درستی ءَ را اولیت دیگ بہ بیت۔ آئی ءَ گوشت کہ الس ءِ اعتماد میڈیا ءِ ارزشتی ایں مڈّی انت ایشی ءَ را برجاہ دارگ المی انت۔ آئی ءَ گوشت کہ پاکستان ءَ را نشانگ جوڑ کنوکیں دروگیں مہم آنی گر ءُ دار ءِ واستہ ذمہ واریں اھوالکاری سک باز المی اِنت۔ صدر ءِ مملکت ءَ مئی 2025 ءِ ساھت ءَ راجی یکوئی ءُ میڈیا ءِ جوانیں کرد ءِ توسیپ کت ءُ گوشت کہ میڈیا ءَ دروگیں بیانیہ آنی سر ءَ راستی آنی وسیلگ ءَ جوانیں رنگ ءَ پسو داتگ۔ آئی ءَ ھما اھوالکار آناں شگر ءُ منت دات کہ آیاں راستی ءِ شوھاز ءَ وتی سر ندر کتگ اَنت۔ آئی ءَ وفاقی ءُ صوبائی حکومت آناں لوٹ کت کہ آ اھوالکار آنی رکھینگ ءُ جوانیں چاگرد ءِ پھجارینگ ءَ را دل یکیمی بہ کن اَنت۔ آئی ءَ رسانکدر ءِ ادارگاں چہ اپیل کت کہ آ مزنیں پیشہ وارانہ معیار ءَ را برجائی بہ کن اَنت ءُ الس ءَ را مستندیں اھوالکاری ءِ کمک ءَ بہ کن اَنت ءُ گوشت کہ ایوک ءَ یک ذمہ وار ءُ راستی ءِ سر ءَ بنیات ءِ سر ءَ بنیات ءِ سرا انفارمیشن سسٹم ملک ءَ جمہوریت، استحکام ءُ امن ءَ را دیم ءَ برگ ءَ انت۔