چیئرپرسن پیمرا ءَ اسحاق ڈار ءَ گوں گند ءُ نند کتگ، امن ءِ دیمروئی ءِ ھاتر ءَ دری کارانی وزارت ءِ کوشست ستا کرزیں

اسلام آباد۔1مئی  (اے پی پی): پاکستان الیکٹرانک میڈیا ریگولیٹری اتھارٹی ءِ چیئرمین عنبرین جان  ءَ گوں نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت۔ جمعہ ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ چیئرپرسن عنبرین جان  ءَ دمگی جیڑھ آنی گیواری ءِ تہ ءَ میانجی داری ءُ آسراتی ءِ وسیلگ ءَ دمگ ءُ ایشی ءَ چہ دریں دمگ آنی تہ ءَ امن ءُ ایمنی ءِ دیمروئی ءِ تہ ءَ نائب مزن وزیر ءُ دری کارانی وزیر ءُ دری کارانی وزارت ءِ ٹیم ءِ کرد ءَ را ساڑات۔ نائب مزن وزیر ءُ وزیر ءِ درئی کار ءَ چیئرمین ءِ منت گپت کنان ءَ سرپدیں السی گپ ءُ تران ءُ تعمیری السی تپاک  ءِ دیمروئی ءِ واستہ ذمہ وار ءُ پیشہ وارانہ میڈیا ءِ ارزشت ءِ سر ءَ زور پر دات۔ آئی ءَ میڈیا ءِ شوبگ ءَ پیشہ وارانہ معیار ءُ جوانیں کارروائی آناں دیمروئی دیگ ءِ واستہ پیمرا ءِ کوشست آنی سر ءَ دل یکیمی ءِ درشان کت۔