معرکہ حق ءَ پاکستان ءِ سوبمندی قیامت ءِ روچ ءَ تاں یات کنگ بیت، وفاقی وزیر اطلاعات عطا اللہ تارڑ معرکہ حق ءِ سوبمندی ءِ یک سال ءِ سرجمی ءِ روچ ءَ برجم داشتگیں مراگش ءَ گوں تران

اسلام آباد۔1مئی  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ فوجی، سفارتی ءُ بیانیہ محاذ آنی سر ءَ معرکہ حق ءَ پاکستان ءِ سوبمندی قیامت ءِ روچ ءَ تاں یات کنگ بیت۔ معرکہ حق ءِ سوبمندی ءَ پاکستان ءِ شان ءُ شُہاز گیش کتگ ءُ راج وتی سلاہ بندیں اُرد ءِ کش ءَ اوشتاتگ۔ آئی ءَ اے ھیالانی درشانی وزارت ءِ اھوال ءُ شنگکاری ءُ وزارت راجی ورثہ ءُ دود ءُ ربیدگ ءِ نیمگ ءَ برجم داشتگیں معرکہ حق ءِ سوبمندی ءِ یک سال ءِ سرجمی ءِ درگت ءَ جمعہ ءِ روچ ءَ لوک ورسا ءَ برجم داشتگیں مراگش ءَ گوں تران کنان ءَ کت۔ اے موہ ءِ سر ءَ وفاقی سیکرٹری برائے اھوالکاری ءُ نشریات اشفاق احمد خلیل ھم ساڑی ات۔ وفاقی وزیر ءِ اھوالکاری ءَ گوشت کہ معرکہ حق ءُ آپریشن بنیان مرسوس ءِ ندریں مراگش ءَ بھر زوری کنگ منی واستہ شرپ ءِ گپ اِنت۔ آئی ءَ گوشت کہ آپریشن بنیان مرسوس ءُ حق ءِ جنگ ءَ راجدپتر ءِ رھبند بدل کتگ، مئی ءَ اے مزنیں سوبمندی ءَ چہ یک سال سرجم بوتگ کہ اللہ تعالیٰ ءَ وتی فضل ءُ کرم ءَ چہ پاکستانی راج ءَ را داتگ۔ آئی ءَ گوشت کہ مرچیگیں مراگش ءَ جنک ءُ بچک آنی جوش ءُ جزبگ ءِ گندگ ءَ یک وشیں گپے بوتگ کہ آ وتی شھید آناں یات کنگ ءُ مئے پاکستانی اُرد آنی مزنیں قربانی آناں یات کنگ ءُ آپریشن بنیان مرسوس ءِ سوبمندی ءِ وش آتک کنگ ءَ اتکگ اَنت۔ آئی ءَ گوشت کہ اے زھگ آنی جذبہ، دلیری ءُ جزم ءِ گندگ ءَ اے گپ پک بوتگ کہ انچوش کہ اللہ تعالیٰ ءَ آپریشن بنیان مرسوس ءُ حق ءِ جنگ ءَ مارا سوبمندی داتگ ھمے رنگ ءَ پاکستان ءِ آیوکیں وھد ھم ایمنیں دست آنی تہ ءَ اِنت۔ وفاقی وزیر ءِ اھوالکاری ءَ گوشت کہ پاکستان ءَ را بادشاہی اللہ تعالیٰ ءِ داد ءُ مزنیں نعمت انت ایشی ءِ واستہ پاکستان ءَ را بادشاھی اللہ ءِ گشگ انت۔ آئی ءَ گوشت کہ مئے پیریناں بے حسابیں قربانی آنی پد ءَ اے ملک حاصل کتگ ءُ برصغیر ءِ مسلمان آنی دیریں لوٹ پیلو بوتگ۔ آئی ءَ گوشت کہ علامہ محمد اقبال ءَ ھما واب بوتگ، قائداعظم محمد علی جناح ءَ پیلو کتگ ءُ مرچی ما آزاتیں ھوا ءَ ساہ زورگ ءَ ایں ۔ آئی ءَ گوشت کہ مئے دژمن ھر وھد ءَ مئے آجوئی ءَ دست جنت، ھمے ھاتر ءَ مُدام ھمے شوھاز ءَ اِنت کہ پاکستان ءِ ھلاپ ءَ چتور پندل سازگ بہ بیت ءُ چتور آئی ءَ را تاوان دیگ بہ بیت۔ آئی ءَ گوشت کہ گوستگیں سال ءِ مئی ءَ وھدے پہلگام ءِ دروگیں پرچم ءِ آپریشن کنگ بوت گڈا پاکستان ءَ سک باز ھاسیں ءُ بے دروریں موقف گپت ءُ سرجمیں دگنیا ءَ را گوشت کہ ما اے وئیل ءِ پٹ ءُ پول ءَ تیار ایں ۔ پاکستان اے معاملہ ءِ آزات ءُ منصفانہ پٹ ءُ پول ءِ لوٹ انت تانکہ دود ءُ آپ بہ بیت ۔ آئی ءَ گوشت کہ پاکستان ناشرکاری ءَ گوں جنگ کنوکیں ملک آنی تہ ءَ ھوار اِنت وھدیکہ بھارت ناشرکاری ءَ را دیم ءَ برگ ءِ ملک آنی تہ ءَ ھوار اِنت، پاکستان ءُ بھارت دو جتا جتائیں نیمگ ءَ اوشتاتگ اَنت۔ پاکستانی راج ءِ ھمک تک ءُ ٹک ناشرکارانی ھلاپ ءَ جنگ ءِ وھد ءَ قربانی دیگ ءَ اَنت وھدیکہ ھندوستان ناشرکارانی اسپانسر کنگ ءَ اِنت ءُ اے راستی ءَ مروچی دگنیا منّ اِیت۔ آئی ءَ گوشت کہ مزن وزیر شہباز شریف ءَ را پہلگام دروگیں پرچم آپریشن ءِ پٹ ءُ پول ءِ ھوالگ ءَ یک ھاسیں وژن ءِ است ات، اللہ تعالیٰ ءَ راج ءَ را معرکہ حق ءَ شانداریں سوبمندی دات۔ آئی ءَ گوشت کہ چیف آف ڈیفنس فورسز فیلڈ مارشل سید عاصم منیر ءَ جنگی حکمت عملی ءِ جوڑ کتگیں رنگ ءِ چیر دستی ءَ پاکستان ءَ نہ ایوک ءَ وت ءَ جوانیں رنگ ءَ دیمپانی  کتگ بلکینگ ءَ بازیں ھندی بالی گراب ھم ایر جتگ کہ آ ملبہ ءِ ڈھیر جوڑ بوتگ اَنت۔ آئی ءَ گوشت کہ سرجمیں دگنیا ءَ دیست کہ وھدے فتح میزائل ءَ دژمن ءِ دیمپانی جاہ آنی سر ءَ لگت داتگ گڑا لھتیں کلاک آنی تہ ءَ ٹی وی اسکرین ءِ سر ءَ مزنیں دعویٰ کنگ ءَ بوتگیں ھندی نمائندہ آنی دیم پُھل بوتگ اَنت۔ لھتیں ساھتانی تہ ءَ ھندوستان مجبور بوت کہ زانو ءِ سر ءَ جھلاد بہ بیت ءُ گْوشت ءِے کہ مارا جنگ نہ لوٹ اِیت، اگاں مارا جنگ نہ لوٹ اِتگ گُڑا ما پرچا اُرش کُتگ؟ وتی ٹی وی ءِ سرا نشتگیں مردم چہ ھبکہی ءَ دروگ بندگ ءَ اتنت کہ ما لاہور ءُ ملتان ءِ بندر ھلاس کتگ انت۔ آئی ءَ گوشت کہ آھانی سازش ناکام بوتگ، اللہ تعالیٰ ءَ پاکستان ءَ را جنگی محاذ ءِ ھوار بیانیہ ءُ سفارتی محاذ آنی سر ءَ ھم سوبمندی داتگ کہ قیامت ءِ روچ ءَ تاں یات کنگ بیت۔ آئی ءَ گوشت کہ پاکستانی راج یک بہادر ءُ دلیریں راج انت، سرجمیں راج وتی قوت آنی پشت ءَ چو سیسہ ءِ دیوال ءَ اوشتاتگ۔ آئی ءَ گوشت کہ سرجمیں راج ءَ وتی اُرد ءِ ھواری ءَ وتی بہادری ءِ درشان کت، ایشی ءِ شگر ءَ اللہ تعالیٰ پاکستان ءَ را سوبمندی دات۔ وفاقی وزیر ءِ اھوالکاری ءَ اے موہ ءِ سر ءَ علامہ اقبال ءِ لھتیں شعر ھم گوشت اَنت۔

”یہ غازی یہ تیرے پر اسرار بندے

جنہیں تو نے بخشا ہے ذوق خدائی

دو نیم ان کی ٹھوکر سے صحرا و دریا

سمٹ کر پہاڑ ان کی ہیبت سے رائی

دو عالم سے کرتی ہے بیگانہ دل کو

عجب چیز ہے لذت آشنائی

شہادت ہے مطلوب و مقصود مومن

نہ مال غنیمت نہ کشور کشائی“

"اے غازی، تئی اے پراسراریں نوکر، کہ تو آئی ءَ گوں الہی ذوق ءَ داتگ، دو نیمگ، صحرا ءُ دریا، چہ وتی ٹھوکر ءَ پُشت ءَ کپگ ءَ، کوہ گوں وتی ھیبتان ءَ، دو دنیا، یک اجنبی یے ءِ دل چہ حیرانی ءَ پُر اِنت، آشنائی ءِ لذت، نہ شھادت ءِ نہ باور اِنت ءُ ڈیسیال اِنت۔ ورناہی ءِ پدگیری۔” ایشی ءَ چہ پیسر مراگش ءِ بندات گوں راجی سوت ءَ بوت، وھدیکہ قری عطا الرحمن ءَ قرآن پاک ءِ تلاوت کت۔ اے موہ ءِ سر ءَ وفاقی وزیر ءِ اھوالکاری عطا اللہ تارڑ ءُ اھوالکاری ءُ شنگکاری ءِ سیکرٹری اشفاق احمد خلیل ھم زھگانی ھمراھی ءَ موم بتی روک کت ۔