وزیر مملکت بلال بن ثاقب ءَ مزن وزیر شہباز شریف ءَ گوں گند ءُ نند کتگ، ورنا آناں ڈیجیٹل ٹیکنالوجی ءِ پڑ ءَ تربیت دیگ ءِ واستہ ھاسیں گامگیج آنی پنت ءُ شون

لاہور۔1مئی  (اے پی پی): مزن وزیر محمد شہباز شریف ءَ ورچوئل مڈی آنی شوبگ ءَ یک موثر ءُ جھان ءِ درجہ ءِ ریگولیٹری سسٹم ءَ را زوتاں چہ زوت سرجمی ءَ کار کنگ ءِ پنت ءُ شون کتگ ءُ ڈیجیٹل ٹیکنالوجی ءِ تہ ءَ ورنا آناں آرٹیفیشل انٹیلی جنس ءُ ڈیجیٹل فنانس ءِ تہ ءَ تربیت دیگ ءِ پنت ءُ شون کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ جمعہ ءِ روچ ءَ وزیر ءِ مملکت ءُ پاکستان ورچوئل مڈی ریگولیٹری اتھارٹی ءِ چیئرمین بلال بن ثاقب ءَ مزن وزیر محمد شہباز شریف ءَ گوں گند ءُ نند کت۔ مزن وزیر ءَ پاکستان ءَ ڈیجیٹل معیشت ءَ را دیمروئی دیگ ءُ سرمایہ کار آنی دلبڈی ءَ را گیش کنگ ءِ واستہ ورچوئل مڈی آنی شوبگ ءَ یک موثر ءُ جھان ءِ درجہ ءِ ریگولیٹری سسٹم ءَ را زوتاں چہ زوت جوڑ کنگ ءِ پنت ءُ شون کت۔ آئی ءَ اے ھم پنت ءُ شون کت کہ ورنا آناں نوکیں ٹیکنالوجی ءِ تہ ءَ ھاسیں رنگ ءَ مصنوعی ذہانت ءُ ڈیجیٹل فنانس ءِ پڑ ءَ تربیت دیگ ءِ واستہ ھاسیں گامگیج چست کنگ بہ بنت تانکہ کارکن آناں آیوکیں وھد ءِ لوٹ آنی گوما ھمگرنچ کنگ بہ بیت۔ بلال بن ثاقب ءَ مزن وزیر محمد شہباز شریف ءَ را پاکستان ورچوئل مڈی ریگولیٹری اتھارٹی ءِ آپریشنل ریگولیٹر ءِ تہ ءَ بدل کنگ ءُ ریگولیٹری سینڈ باکس ءِ بنگیج ءِ ھوالگ ءَ سرپد کت ءُ اے گپ ءِ سر ءَ دلگوش دات کہ اے آئی ءِ وسیلگ ءَ کار کنوکیں سروسز ءُ ریگولیٹڈ ورچوئل مڈی ءِ وڑیں پڑ آنی تہ ءَ نوکیں چیز آرگ بوھگ ءَ انت۔ اے اقتصادی بدلی ءِ آیوکیں لہر ءِ واستہ راجی ادارگ، کارکن ءُ ریگولیٹری فریم ورک ءِ تیاری ءِ واستہ کار کنگ بوھگ ءَ اِنت۔