مروچی ما وتی کُلیں کارکن ءُ کشت ءُ کشاری ءِ محنت ءُ مزنی ءَ را شگر ءُ منت ءَ پیش کنیں گورنر بلوچستان

کوئٹہ۔ 01 مئی (اے پی پی): بلوچستان ءِ گورنر جعفر خان مندوخیل ءَ گوشت کہ مزدور طبقہ ھما سربلندیں کار ءِ توان اِنت کہ راجاں جوڑ کنت، آبادی ءِ لوٹاں پیلو کنت ءُ راجاں ذلت ءَ چہ مزن کنگ ءَ بارت۔ مرچی ما وتی درستیں کارکن ءُ کشت ءُ کشاری ءِ محنت ءُ مزنی ءَ را توسیپ ءُ ستا پیش کنیں کہ آہانی محنت ءُ قربانی مئے معیشت ءُ چاگرد ءِ ھاتر ءَ مھکمیں بُن ھشت ءِ دیم ءَ کاریت۔ پوریاگر ءُ کشاردار شپ ءُ روچ پہ مئے شھر، میتگ، کشت ءُ کشار ءُ صنعتانی جوڑ کنگ ءَ کار کن اَنت۔ آ پائیداریں اقتصادی دیمروئی ءِ ریڑھ ءِ ھڈ اَنت ءُ آھانی ھست نہ بوھگ ءَ دیمروئی ءُ دیمروئییک وابے ءِ رنگ ءَ مانیت۔ مرچی مزدور ءِ میان استمانی روچ ءِ موہ ءَ مارا اے وعدہ کنگی اِنت کہ ما مدام درستیں مزدور طبقہ ءِ شرپ ءَ برجاہ داریں۔ مئے راجی ارزشت ءُ دود ءُ ربیدگ کہ اسلامی تعلیمات ءِ تہا سک رِد ءُ بند داتگ اَنت، اے معاملہ ءَ مارا ھاسیں رھشونی دنت۔ اسلام مارا کار ءِ شرپ ءُ ازت کنگ، پوریاگراں گوں شرپ ءِ ھساب ءَ پیش دارگ ءُ اجرت ءِ ترند ءُ منصفانہ ادائیگی ءِ ضمانت دیگ ءِ سکین دنت۔ مرچی ما حکومت ءُ الس ءِ گوما کار کنگ ءِ واستہ جزمیں کہ نوکیں روزگار ءِ موہ پیداک بہ بنت۔ روزگار ءِ پیداک کنگ ءِ جہد کنگ بوھگ ءَ اِنت، بنیاتی آسراتی ءَ را گہتر کنگ ءُ مردماں معاشی رد ءَ آزات کنگ ءِ جہد کنگ بوھگ ءَ اِنت دانکہ آ معاشی ءُ چاگردی زند ءَ سرگرمیں رنگ ءَ بھر زوری بہ کن اَنت۔ بلے پہ راستیں بدلی ءَ گیشتر اجتماعی جہد ءِ ضلورت اِنت۔ مرچیگیں تیزی ءَ بدل بوھوکیں دنیا ءَ راجی دیمروئی ءُ دیمروئی ءِ سبب ءَ تجارت، صنعت ءُ نوآبادیاتی ءِ وسیلہ ءَ گیش ءُ گیوار بوہگ ءَ انت۔ مرچی ما اے گپ ءِ پدر کنگ ءِ وعدہ کنیں کہ کارکنانی شرپ ءِ شناخت کنگ بہ بیت ءُ ما یک انچیں آیوکیں وھد ءِ جوڑ کنگ ءِ وعدہ کنیں کہ اودا ہر کارکن ءُ ہر کشت ءُ کشاری ءِ سرا پھر، ایمنی ءُ اُمیت ءِ گوما زندگ بوت کنت۔