پوریاگر آنی وشحالی ءِ واستہ قانون سازی ءُ چاگردی ایمنی ءَ را گیش مھکم کنگ بہ بیت، ادارُکی  مقام صدر یوسف رضا گیلانی

اسلام آباد۔1مئی  (اے پی پی): ادارُکی  مقام صدر سیدیوسف رضا گیلانی ءَ گوشت کہ یکم مئی ایوک ءَ روچ ءِ نہ انت بلکیں محنت، کوشست، انسانی شرپ ءُ چاگردی انصاف ءِ عزم ءِ نوک کنگ ءِ استعار انت۔ پوریاگر آنی وشھالی ءِ واستہ قانون سازی، ادارگی اصلاحات ءُ چاگردی ایمنی ءِ نظام ءَ را گیش مھکم کنگ بیت۔ ادارُکی  مقام صدر سیدیوسف رضا گیلانی ءَ جمعہ ءِ روچ ءَ مزدور روچ ءِ موہ ءَ وتی کلوہ ءِ تہ ءَ گوشت کہ یکم مئی ءِ روچ سرجمیں دگنیا ءَ مزدور آنی گوما یکوئی ءِ درشان ءِ رنگ ءَ دارگ بیت۔ یکم مئی مارا ہما مزنیں قربانیانییات ءَ دنت کہ پوریاگراں وتی بنیاتی حقانی رسگ ءِ ہاترا داتگ انت۔ آئی ءَ گوشت کہ راجی دیمروئی، اقتصادی برجائی ءُ وشھالی مزدور طبقہ ءِ محنت ءُ لگن ءِ گوما بندوک انت۔ پوریاگر درحقیقت ہر معیشت ءِ ریڑھ ءِ ہڈ انت، ہچ وڑیں دیمروئی ءِ بزانت چہ پوریاگر طبقہ ءِ وشحالی ءَ ابید سرجم نہ بیت۔ یوسف رضا گیلانی ءَ گوشت کہ اسلام ءِ مذھب ءُ پاکستان ءِ آئین ءِ تہ ءَ مزدور آنی شرپ ءُ شرپ ءُ ازت، آوانی ھک آنی رکھینگ ءُ چاگردی انصاف ءِ پھجاری ءِ سر ءَ زور دیگ بیت۔ پارلیمنٹ ءَ مدام پوریاگر ءُ نزوریں تبک ءِ حقانی رکھینگ ءِ ھاترا موثریں توار چست کتگ۔ پارلیمنٹ ءَ مزدور طبقہ ءِ ھاتر ءَ قانون جوڑ کنگ ءَ کلیدی کرد پیلو کتگ۔ ادارُکی  مقام صدر ءَ گوشت کہ پارلیمنٹ مزدور دوستیں کانود آنی دیمروئی، گہتریں پگار، چاگردی ایمنی، ایمنیں کار ءِ چاگرد ءُ گہبود ءِ گامگیج آنی واستہ پارلیمنٹ وتی آئینی ذمہ واری آناں جوانیں رنگ ءَ پیلو کنگ ءَ انت۔ ادارُکی  مقام صدر ءِ مملکت ءَ درملک ءَ نندوکیں پاکستانی مزدور آناں شگر ءُ منت ءِ درشان کت ئُُ درملک ءَ نندوکیں پاکستانی درملک ءَ درملک ءِ معیشت ءِ برجائی ءِ تہ ءَ ھاسیں کرد پیلو کنگ ءَ اَنت۔ درملک ءَ کار کنوکیں طبقہ پوریاگر ءِ حقانی حفاظت ہم حکومت ءِ اولویتانی تہا ہوار انت۔ سیدیوسف رضا گیلانی ءَ گوشت کہ مزدور آنی میاں اوستمانی روچ مزدور آنی ھزمت آناں پجارگ ءِ موہ دنت، آوانی جہد ءُ کوشست ءَ را ستا کرز ایت ءُ مزدور آنی گوما یکوئی ءِ درشان کنگ ءِ موہ رس ایت۔ استیں جھان ءِ اقتصادی جاور ھال آنی رد ءَ اے روچ ءِ ارزشت گیش بوتگ۔ آئی ءَ گوشت کہ پاکستان پیپلز پارٹی ءُ پارلیمنٹ مزدور آنی ھک، چاگردی انصاف ءُ یک منصف ءُ برابریں چاگرد ءِ جوڑ کنگ ءِ واستہ وتی جہد ءَ برجاہ دار ایت۔