خیبر پختونخوا ءَ پاک اوگانستان ءِ سیمسر ءَ دژمن ءِ  ناشری  ءِ کوشستاں ناکام کنگ سلاہ بندیں اُرد ءِ بے دروریں توانائی ءُ فولادی جزم ءِ ثبوت اِنت، طارق فضل چوہدری

اسلام آباد۔1مئی  (اے پی پی): پارلیمانی کارانی وفاقی وزیر طارق فضل چوہدری ءَ گوشت کہ خیبر پختونخوا ءَ پاک اوگان سیم سر ءَ دژمن ءِ ناشری  ءِ کوشست ناکام کنگ ءِ جرات، موثر حکمت عملی ءُ وھد ءِ سر ءَ گامگیج ناکام کنگ بوتگ مئے بے دروریں دیمروئی ءِ ثبوت اِنت۔ جمعہ ءِ روچ ءَ سوشل میڈیا پلیٹ فارم ایکس ءِ سر ءَ وتی پوسٹ ءِ تہ ءَ آئی ءَ گوشت کہ آ وتی بامردیں سپاھیگ آناں دل ءِ جہلانکی ءَ چہ یات کناں کہ آھاں نہ ایوک ءَ دژمن ءِ بدیں واھشت آناں ناکام کتگ بلکیںیک پدریں کلوہ ءِ ھم داتگ کہ پاکستان ءِ سرزمین ءِ سر ءَ بدیں چماں گوں چاروکیں مردمانی آسر ایوک ءَ ناکامی ءُ بے شرپی اِنت۔ سرجمیں راج ءَ را وتی رکھینوک آنی سر ءَ پھر انت ۔ ما یکیں،یکجاھیں ءُ وتی وعدہ ءِ سر ءَ اوشتاتگیں کہ پاکستان ءِ ایمنی، حاکمیت ءُ امن ءِ سر ءَ ھچ وڑیں سوگند نہ بیت، نہ کہ ھرچ قیمت ءَ، ھچبر نہ۔