وزیر داخلہ محسن نقوی ءَ ایف آئی اے ءِ ہیڈ کوارٹر ءِ تر ءُ تاب کتگ، اپ گریڈیشن منصوبہ آنی سر ءَ پیشرفت ءِ چار ءُ تپاسی

اسلام آباد۔1مئی  (اے پی پی): وفاقی تہی کارانی وزیر محسن نقوی ءَ ایف آئی اے ءِ بنجاہی کارگس ءِ تر ءُ تاب کت، ایشی ءِ تہ ءَ آئی ءَ بنجاہی کارگس ءُ ایف آئی اے اکیڈمی ءَ جاری اپ گریڈیشن منصوبگ آنی سر ءَ پیشرفت ءِ سر ءَ چار ءُ تپاسی کت۔ پریس ریلیز ءِ رد ءَ تر ءُ تاب ءِ ساھت ءَ تہی کارانی وزیر ءَ تعمیراتی ءُ جدید لائنز ءِ سر ءَ کنگ بوھوکیں کار آنی چار ءُ تپاسی کت ءُ پنت ءُ شون کت کہ مزنیں معیار ءِ برجائی ءَ گوں توامیں کار زوتاں چہ زوت سرجم کنگ بہ بنت۔ ایف آئی اے ءِ ڈائریکٹر جنرل ڈاکٹر عثمان انور ءَ اپ گریڈیشن منصوبگ ءِ بابت ءَ وزیر داخلہ ءَ را سرجمیں بریفنگ دات۔ ایشی ءَ پد محسن نقوی ءَ ایف آئی اے ءِ بنجاھی کارگس ءَ دیوان ءِ سروکی کت، ایشی ءِ تہ ءَ ایف آئی اے ءَ را گیش کارآمد، کارآمد ءُ الس دوستیں ادارگ جوڑ کنگ ءِ ھاترا اصلاحات آنی سر ءَ چار ءُ تپاسی کنگ بوت۔ آئی ءَ گوشت کہ ایف آئی اے ءَ را سال ءِ گڈ ءَ تاں نوکیں لوٹ آنی گوما ھمگرنچیں ادارگ جوڑ کنگ حکومت ءِ اولی ترجی اِنت۔ محسن نقوی ءَ گوشت کہ ادارگ ءِ گنجائش ءَ را گیش مھکم کنگ ءِ واستہ انفراسٹرکچر، ٹیکنالوجی ءُ انسانی وسائل آنی تہ ءَ گہتری کنگ بوھگ ءَ انت وھدیکہ نوکیں بھرتی آنی ھمک بھر آنی تہ ءَ میرٹ ءُ شفافیت ءَ را دل یکیمی کنگ بہ بیت۔ اے موہ ءِ سر ءَ چیف کمشنر اسلام آباد، آئی جی اسلام آباد پولیس ءُ ایندگر مزنیں کارندہ ھم ساڑی بوتگ اَنت۔