مزن وزیر پوریا گر آنی   ھک ءُ شرپ ءِ رکھینگ ءِ واستہ جزم ءِ درشان

اسلام آباد۔1مئی  (اے پی پی): مزن وزیر محمد شہباز شریف ءَ مزدور آنی ھک ءُ شرپ ءِ رکھینگ ءِ واستہ وتی جزم ءِ پد ءَ گوشت کہ ملک ءُ درملک ءَ ھمک مزدور ءِ دست مئے یکجائی آیوکیں باندات ءِ بار ءَ کشگ ءَ انت۔ جمعہ ءِ روچ ءَ سوشل نیٹ ورک ویب سائٹ ایکس ءِ سر ءَ وتی پوسٹ ءِ تہ ءَ مزن وزیر ءَ گوشت کہ مزدور ءِ روچ ءِ روچ ءَ من راج ءِ ھمک کارکن آناں ملک ءَ بہ بیتیا درملک ءَ را شرپ دیان آں کہ آئی ءِ دست مئے یکجائی آیوکیں باندات ءِ بار ءَ انت۔ آئی ءَ گوشت کہ روچ ءِ شپ ءَ بگر داں شپ ءِ شپ ءَ ءُ تاں ھما دراجیں ساھتاں کہ سرجمیں راج واب اِنت، کارکن آنی لگن، استقامت ءُ بے تواری ءِ قربانی مئے لوگ جوڑ کنت، مئے صنعت آناں توانائی دنت، مئے معیشت ءِ کمک ءَ کنت ءُ ملک ءَ را دیم ءَ برگ ءَ اِنت۔ مزن وزیر ءَ گوشت کہ من شمارا دل یکیمی کناں کہ مئے حکومت گیشاں چہ گیش جوانیں روزگار ءِ موہ پیداک کنگ، مزدور آنی ھک آنی مھکم کنگ ءُ دیمروئی ءِ واستہ نوکیں راہ آنی پجاری کنگ ءَ ھمک مزدور ءِ شرپ ءِ رکھینگ ءِ واستہ جزمیگ اِنت۔ آئی ءَ گوشت کہ پوریاگراں وتی راجی اولویت آنی محور جوڑ کنگ ءَ ما یک انچیں پاکستان ءِ جوڑ کن ایں کہ آ گیش مھکم، منصفانہ ءُ ہر شہری ءِ واستہ اُمیت ءَ چہ پُر بہ بیت۔