صدر آصف علی زرداری ءَ عراق ءِ نامینتگیں مزن وزیر ءَ گوں فون

سانیا۔1مئی  (اے پی پی): صدر آصف علی زرداری ءَ کہ اے وھد ءَ چین ءِ صوبہ ہنان ءِ شہر سانیا ءِ سرکاری تر ءُ تاب ءَ انت آئی ءَ جمہوریہ عراق ءِ نامینتگیں مزن وزیر علی فالح خادم الزیدی ءَ گوں فون ءِ سر ءَ گپ ءُ تران کتگ ءُ آئی ءَ را عراق ءِ سروک ءِ بستار ءَ مزن وزیر ءِ ھاسیں عہدہ ءِ نامینگ ءِ سر ءَ مبارک بات داتگ۔ جمعہ ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ نامینتگیں مزن وزیر ءِ واستہ نیکیں واھگ آنی درشان کتگ ءُ آئی ءِ کامیابی ءُ یک مھکمیں حکومت ءِ جوڑ کنگ ءِ واستہ دعا کتگ۔ آئی ءَ گوشت کہ مزن وزیر ءِ بستار ءَ آئی ءِ گچین بوھگ عراق ءِ سروکی ءِ سر ءَ دل یکیمی ءِ درشان اِنت کہ ملک ءِ واستہ المی ئیں پڑ ءَ سر بوتگ۔ نامینتگیں مزن وزیر ءِ گوما گپ ءُ تران ءِ ساھت ءَ صدر ءِ مملکت ءَ گوشت کہ پاکستان ءُ عراق ءِ سیادییکجائی قدر ءُ وت مہ وتی شرپ ءُ ازت ءِ سر ءَ بنیات انت ءُ پاکستان اے براتی سیادی ءَ را گیش مھکم کنگ ءِ واستہ جزمیگ انت۔ آئی ءَ دو نیمگی اقتصادی کمک ءَ را گیش کنگ ءِ واستہ مزنیں گنجائش ءِ سر ءَ زور پر دات، ایشی ءِ تہ ءَ تجارت ءُ سرمایہ کاری، توانائی ءِ کمک، بنیاتی ڈھانچگ ءِ دیمروئی، کشت ءُ کشاری ءُ قابل تجدید توانائی ھوار انت۔ صدر ءِ مملکت ءَ یک دیریں شریکداری ءِ دیمروئی ءِ ھاترا وانگ ءُ زانگی کمک ئُُ مردم ءَ را رابطہ آناں گیش مھکم کنگ ءِ ارزشت ءِ سر ءَ ھم زور پر دات۔ عراق ءِ نامینتگیں مزن وزیر ءَ صدر آصف علی زرداری ءِ منت گپت ءُ آئی ءَ را دوئیں نیمگ ءَ را آسانیں وھد ءَ عراق ءِ تر ءُ تاب ءِ دعوت دات۔